మహేష్ బాబు డేట్ కోసం ఎదురుచూస్తున్న అనుష్క

టాలీవుడ్ స్వీటీ అనుష్క బాహుబలితో దేశవ్యాప్తంగా పేరు తెచ్చుకుంది. దీంతో ఆమె చేస్తున్న నెస్ట్ ప్రాజక్ట్ పై క్రేజ్ ఏర్పడింది. ప్రస్తుతం అశోక్ దర్శకత్వంలో అనుష్క లేడీ ఓరియంటెడ్ సినిమా చేస్తోంది. ఈ మూవీ పేరు భాగమతి. ఈ టైటిల్ చూసి మొదట్లో ఇది హిస్టారికల్ మూవీ అని అందరూ అనుకున్నారు. కాదని ఇప్పుడు తెలిసింది. ఇందులో అనుష్క పవర్ ఫుల్ పోలీస్ ఆఫీసర్ గా నటిస్తున్నట్లు సమాచారం. యువీ క్రియేషన్స్ బ్యానర్లో వంశీ, ప్రమోద్ లు నిర్మిస్తున్న ఈ మూవీ షూటింగ్ పూర్తి చేసుకుంది. పోస్ట్ ప్రొడక్షన్ వర్క్ జరుపుకుంటున్న ఈ చిత్రాన్ని రిలీజ్ చేసే విషయంలో యూనిట్ సభ్యులు ఇబ్బందులు పడుతున్నారు.

ఎందుకంటె ఈ చిత్రాన్ని ఆగస్టు రెండో వారంలో రిలీజ్ చేయాలని ప్లాన్ చేశారు. అయితే మహేష్ బాబు, మురుగదాస్ కాంబోలో తెరకెక్కుతోన్న స్పైడర్ సినిమాను అదే సమయంలో రిలీజ్ చేస్తారన్న ప్రచారం జరుగుతుండటంతో అనుష్క ఇబ్బంది పడుతోంది. ఈ సినిమా విజయంతో నటనకు గుడ్ బై చెప్పాలని చూస్తున్న ఆమెకు స్పైడర్ రిలీజ్ డేట్ మార్పులు చిక్కులు తెస్తోంది. ఒకేసారి రెండు సినిమాలు రిలీజ్ అయితే కలక్షన్లపై ప్రభావం పడుతుంది. అందుకే మహేష్ డేట్ కోసం అనుష్క ఎదురుచూస్తోంది. అధికారికంగా స్పైడర్ రిలీజ్ డేట్ ప్రకటించిన అనంతరం భాగమతి రిలీజ్ డేట్ పై నిర్ణయం తీసుకుంటారు.

Also, do SUBSCRIBE to our YouTube channel to get latest Tollywood updates.