మహేష్, కొరటాల శివ మూవీ షూటింగ్ ఎప్పుడంటే?

సూపర్ స్టార్ మహేష్ బాబు ప్రస్తుతం మురుగదాస్ దర్శకత్వంలో యాక్షన్ థ్రిల్లర్ స్పైడర్ మూవీ చేస్తున్నారు. మరో రెండు రోజుల్లో ఈ షూటింగ్ కంప్లీట్ కానుంది. ప్రస్తుతం చిత్రీకరణ నిమిత్తం చెన్నైలో ఉన్న మహేష్ బాబు తన నెస్ట్ సినిమాను పట్టాలెక్కించడానికి డిసైడ్ అయ్యారు. తనకి శ్రీమంతుడు వంటి ఇండస్ట్రీ హిట్ ఇచ్చిన కొరటాల శివతో సినిమాని మొదలెట్టనున్నారు. డీవీవీ దానయ్య నిర్మిస్తున్న ఈ చిత్రానికి  “భరత్ అను నేను” అని పేరుని ఖరారు చేసిన సంగతి తెలిసిందే.

వాస్తవానికి ఈ మూవీ మే నెల నుంచే సెట్స్ మీదకు వెళ్లాలి. కానీ స్పైడర్ షూటింగ్ లేట్ కావడంతో ఇది ఆలస్యం అయింది. ముఖ్యమంత్రిగా మహేశ్‌ నటించే ఈ సినిమా రెగ్యులర్‌ షూటింగ్‌ ఈ నెల 22న హైదరాబాద్‌లో మొదలవుతుంది.  తొలి షెడ్యూల్ ఈ నెలాఖరు వరకు కొనసాగనుంది. రెండో షెడ్యూల్‌ను జూన్‌లో ప్లాన్‌ చేస్తున్నారు. ఆగస్ట్‌ షెడ్యూల్‌ లండన్‌లో ఉంటుంది. ఈ చిత్రం ద్వారా కైరా అద్వానీ (ధోనీ ఫేమ్) తెలుగు తెరకు పరిచయమవుతున్నారు. ఈ సినిమా కోసం రాక్ స్టార్ దేవిశ్రీ ప్రసాద్‌ ఇప్పటికే మూడు పాటలకు స్వరాలు కూర్చారు. వచ్చే ఏడాది సంక్రాంతికి  భరత్ అను నేను థియేటర్లోకి రానున్నాడు.

Also, do SUBSCRIBE to our YouTube channel to get latest Tollywood updates.