సూపర్ స్టార్ మహేష్ బాబు ప్రస్తుతం మురుగదాస్ దర్శకత్వంలో నటిస్తున్నారు. ఈ మూవీ సెట్స్ మీద ఉండగానే ప్రిన్స్ రెండు చిత్రాలకు గ్రీన్ సిగ్నల్ ఇచ్చిన సంగతి తెలిసిందే. ఆ సినిమాలు అనుకున్న సమయానికి తెరకెక్కడమే కాదు.. థియేటర్లలోకి వెళ్లాలని భావిస్తున్నారు. అందుకే కొరటాల అన్ని పనులను చకచకా చేస్తున్నారు. మొన్ననే ఈ ఫిల్మ్ కి “భరత్ అను నేను” అనే పేరుని ఫిల్మ్ ఛాంబర్ లో రిజిస్టర్ చేసిన డైరక్టర్ ఇప్పటినుంచే సినిమా రిలీజ్ పై దృష్టి పెట్టారు. ఇంకా రెగ్యులర్ షూటింగ్ ప్రారంభం కానీ మహేష్ 24 చిత్రం విడుదల తేదీని ఫిక్స్ చేశారు. వచ్చే ఏడాది సెప్టెంబర్ 22 తేదీన విడుదల చేయాలనీ డిసైడ్ అయ్యారు.మహేష్ 23 వ మూవీ రిలీజ్ డేట్ పై క్లారిటీ రాకముందే తర్వాతి చిత్రం గురించి నిర్ణయం తీసుకోటానికి ఓ బలమైన కారణం ఉందని ఫిల్మ్ నగర్ వాసులు చెప్పుకుంటున్నారు.
గతంలో కొరటాల శివ, మహేష్ కాంబినేషన్లో శ్రీమంతుడు వచ్చింది. ఇండస్ట్రీ హిట్ కొట్టింది. ఈ చిత్రం రిలీజ్ తేదీ విషయంలో మార్పులు చేశారు. చిత్రం పూర్తి అయినప్పటికీ బాహుబలి వల్ల ఒక నెల ఆలస్యంగా రిలీజ్ అయింది. వాయిదా వేయడం సినిమా ఫలితంపై ప్రభావం చూపిస్తుందేమోనని అప్పుడు కొరటాల చాలా బాధ పడినట్లు సినీ ప్రముఖులు చెప్పుకుంటున్నారు. అటువంటి ఇబ్బంది ఈ సారి రాకూడదని ముందుగానే తేదీ ప్రకటించినట్లు వెల్లడిస్తున్నారు. ఇప్పుడు ఏ సినిమా కోసమో తమ చిత్రం పోస్ట్ పోన్ చెయ్యకూడదని కొరటాల దృఢ నిర్ణయం తీసుకున్నారని ఆయన సన్నిహితులు తెలిపారు. ఫిబ్రవరి నుంచి సెట్స్ మీదకు వెళ్లనున్న ఈ మూవీ పై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
