మహేష్, కొరటాల మూవీ షూటింగ్ డేట్ ఫిక్స్

టాలీవుడ్ లో ఎంత మంది టాప్ హీరోలు ఎన్నా, ప్రిన్స్ మహేష్ రేంజ్ గురించి మనం ఎంత ఎక్కువ చెప్పుకున్నా తక్కువ. అయితే నటశేఖర్ కృష్ణ కుమారుడుగా టాలీవుడ్ ఎంట్రీ ఇచ్చిన ప్రిన్స్ మహేష్ తనదైన శైలిలో సినిమాలు చేసుకుంటూ వరుస హిట్స్ తో దూసుకుపోతున్నాడు. అయితే అదే క్రమంలో ఈ మధ్య ప్రిన్స్ తీసిన బ్రహ్మోత్సవం సినిమా అభిమానులను నిరాశపరచడంతో ఎలా అయిన మంచి భారీ సినిమా చేసి అభిమానులను అలరించాలి అన్న ఆలోచనతో మురుగుదాస్ దర్శకత్వంలో ‘స్పైడర్’ సినిమాను చేస్తున్నాడు ప్రిన్స్, అయితే గత కొంతకాలంగా స్పైడర్ పై రకరకాల వార్తలు వస్తూ ఉండడంతో పాపం ప్రిన్స్ ఫ్యాన్స్ ఈ సినిమా విషయంలో కాస్త అప్‌సెట్ అయ్యారన్న విషయం తెలుస్తుంది. అయితే స్పైడర్ మూవీ మ్యాటర్ కాస్త పక్కన పెడితే గత కొంతకాలంగా నిరాశలో ఉన్న ప్రిన్స్ అభిమానులకి ఒక గుడ్ న్యూస్ ఒకటి వినిపిస్తుంది. అదేమిటి అంటే కొరటాల శివ దర్శకత్వంలో మహేష్ తన 24వ సినిమా చేయనున్నాడు అన్న సంగతి అందరికీ తెలిసిందే.

అయితే ఈ సినిమాకి భరత్ అనే నేను అనే టైటిల్ ఫిక్స్ చేసినట్టు సమాచారం. ప్రిన్స్ కి శ్రీమంతుడు లాంటి బ్లాక్ బస్టర్ హిట్ ఇచ్చిన కొరటాల ,ఈ చిత్రాన్ని కూడా చాలా రిచ్ గా తెరకెక్కించాలనే ప్లాన్ చేస్తున్నాడు. ఇప్పటికే పూజా కార్యక్రమాలు జరుపుకున్న ఈ చిత్రాన్ని మే 22న సెట్స్ పైకి తీసుకెళ్ళనుంది. కొరటాల ఏ సినిమా అయినా రిచ్ గా అనుకున్న టైమ్ కి తీయడం అలవాటు. ఈ చిత్రం షూటింగ్ . హైదరాబాద్ లోనే కొన్ని రోజుల పాటు చిత్రీకరణ జరపనున్నారు. ఈ చిత్రంలో మహేష్ బాబు పొలిటీషన్ గా కనిపించనున్నట్టు సమాచారం. దేవి శ్రీ ప్రసాద్ ఈ చిత్రానికి సంగీతం అందించనున్నాడు. మొత్తంగా చూసుకుంటే స్పైడర్ సినిమా విషయంలో కాస్త దిగాలుగా ఉన్న ఫ్యాన్స్ కి ప్రిన్స్ మళ్లీ భరత్ మూవీతో ఊపిరి అందించాడు అనే చెప్పాలి.

Also, do SUBSCRIBE to our YouTube channel to get latest Tollywood updates.