మాటల మాంత్రికుడు త్రివిక్రమ్ శ్రీనివాస్ కథలు బాగా చెప్పగలరు. ఆయన స్క్రిప్ట్ వివరిస్తుంటే హీరోలు పంచ్ లకు పడి పడి నవ్వాల్సిందే. ఇక షూటింగ్ స్పాట్ లో అయితే త్రివిక్రమ్ సీరియస్ గా చెబుతుంటే హీరోలు నవ్వుని ఆపుకోలేరు. అందుకే ఆయన సినిమా షూటింగ్ హ్యాపీగా జరిగిపోతుంటుంది. ఈ డైరక్టర్ నేడు పుట్టినరోజు జరుపుకుంటున్నారు. ఈ సందర్భంగా ఆయనకు శుభాకాంక్షలు వెల్లువెత్తాయి. మాటల మాంత్రికుడు దర్శకత్వంలో అతడు, ఖలేజా చిత్రాలను చేసిన సూపర్ స్టార్ మహేష్ బాబు మాత్రం ప్రత్యేకంగా విషెష్ చెప్పారు.
అరుదైన ఫోటోని పోస్ట్ చేసి శుభాకాంక్షలు తెలిపారు.”నా అభిమాన దర్శకుల్లో ఒకరైన త్రివిక్రమ్ శ్రీనివాస్ తో కలిసి ఉన్న ఉత్తమ ఫోటో ఇది. హ్యాపీ బర్త్ డే సార్. మీ నవ్వులు ఎల్లప్పుడూ ఇలాగే ఉండాలి” అని సోమవారం ప్రిన్స్ ట్వీట్ చేశారు. త్రివిక్రమ్ నటించి చూపిస్తుండగా మహేష్ బాబు పగలబడి నవ్వుతున్న ఈ ఫోటోని చూసిన ఎవరికైనా నవ్వు ఆగదు. నవ్వించడానికి మాటలను కూడా అవసరం లేదని ఈ చిత్రం ద్వారా త్రివిక్రమ్ చాటారు. అంతటి అరుదైన మూమెంట్ ఖలేజా చిత్రం షూటింగ్ నాటిది.
One of my favourite pics of one of my favourite directors…
Happy Birthday sir!! Love and happiness always 🙂 pic.twitter.com/93cLIsBMY3— Mahesh Babu (@urstrulyMahesh) November 7, 2016
