ఆ చిత్ర ఆడియో వేడుకకు రానున్న సూపర్ స్టార్

‘బ్రహ్మోత్సవం’ సినిమా విడుదలైన తర్వాత సూపర్ స్టార్ మహేష్ బాబు పబ్లిక్ ఈవెంట్లో కనిపించలేదు. విదేశీ టూర్ కి వెళ్లడం, రాగానే మురుగదాస్ సినిమా పనుల్లో మునిగిపోవడంతో ప్రిన్స్ బయటికి రాలేక పోయారు. ఇన్వెస్టుగేట్ ఆఫీసర్ గా కొత్త లుక్ తో ఉన్న మహేష్ చిత్రాలు ఇంతవరకు మీడియా చేతికి చిక్కలేదు. దీంతో ఎప్పుడెప్పుడు సూపర్ స్టార్ ని చూద్దామా అని ఫ్యాన్స్ ఎదురు చూస్తున్నారు. వారి కోరిక తొందరలోనే నెరవేరనుంది.

ప్రముఖ నటి, నిర్మాత, డైరక్టర్ విజయ నిర్మల మనవడు, నరేష్ తనయుడు విజయ కృష్ణ హీరోగా నటించిన “నందిని నర్సింగ్ హోం” సినిమా ఆడియో వేడుక ఈ నెల 27వ తేదీన జరగనుంది. ఈ కార్యక్రమానికి ప్రిన్స్ ముఖ్య అతిధిగా హాజరు కానున్నట్లు తెలిసింది. ప్రస్తుతం చెన్నైలోని ఈవీపీ ఫిలిం సిటీ లో కొత్త సినిమా షూటింగ్లో ఉన్న మహేష్ త్వరలో నగరానికి రానున్నారు. ఆ చిత్రం మూడో షెడ్యూల్ హైదరాబాద్ లోనే జరగనుంది. సో ఈ ఈవెంట్ కి సూపర్ స్టార్ హాజరయి అభిమానులను అలరించనున్నారు.