మహేష్, మురుగదాస్ కాంబినేషన్ మూవీకి సరికొత్త టైటిల్

సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న సినిమా ప్రస్తుతం హైదరాబాద్ లో చిత్రీకరణ జరుపుకుంటోంది. ఇన్వెస్ట్ గేషన్ ఆఫీసర్ గా ప్రిన్స్ నటిస్తున్న ఈ చిత్రం  టైటిల్ ని ఫిక్స్ చేసినట్లు తెలిసింది. మొదట్లో వాస్కోడిగామా, హంటర్, అభిమన్యుడు, సంభవామి అనే పేర్లను పరిశీలించిన చిత్ర బృందం చివరకు “మర్మం” అనే టైటిల్ ని ఖరారు చేశారు. ఇది సంస్కృతి పదం కావడంతో తమిళంలోనూ ఇదే టైటిల్ ఉంటుంది. ఇప్పటివరకు ప్రకటించిన పేర్లపై అభిమానుల్లో అసంతృప్తి ఉంది. మరి దీనిపై ఏ విధంగా స్పందిస్తారో చూడాలి.

వంద కోట్ల బడ్జెట్ తో ఏక కాలంలో తెలుగు, తమిళ భాషల్లో తెరకెక్కుతున్న ఈ మూవీలో సూపర్ స్టార్ సరసన ఫిట్ నెస్ బ్యూటీ రకుల్ ప్రీత్ సింగ్ నటిస్తోంది. ఈ ఫిల్మ్ ఫస్ట్ లుక్ ని ఉగాది పండగ సందర్భంగా రిలీజ్ చేయనున్నారు. హరీష్ జైరాజ్ స్వరపరిచిన పాటలను మే 31 న విడుదల చేయనున్నారు. హైదరాబాద్ లో పాట చిత్రీకరణ పూర్తి అయిన మిగిలిన సీన్ల కోసం ముంబై వెళ్లనున్నట్లు నిర్మాతలు ఠాగూర్ మధు, ఎన్.వి.ప్రసాద్ లు వెల్లడించారు.

Also, do SUBSCRIBE to our YouTube channel to get latest Tollywood updates.