ఖరారు అయిన మహేష్, వంశీ కాంబో మూవీ షూటింగ్ షెడ్యూల్

సూపర్ స్టార్ మహేష్ బాబు కమర్షియల్ డైరక్టర్ మురుగదాస్ డైరెక్షన్లో చేస్తున్న ‘స్పైడర్’ సినిమాని దాదాపు కంప్లీట్ చేశారు. ఒక్క పాట షూటింగ్ మాత్రమే మిగిలివుంది. దానిని వచ్చే నెల మొదటి వారంలో కంప్లీట్ చేసి సినిమాని సెప్టెంబర్ 21 రిలీజ్ అయ్యేలా ప్లాన్ చేశారు. అలాగే కొరటాల దర్శకత్వంలో చేస్తున్న “భరత్ అను నేను” సినిమా మొదటి షెడ్యూల్ ని కూడా కంప్లీట్ చేశారు. ఈ సినిమా ప్రొడక్షన్ వర్క్ నవంబర్ నాటికీ కంప్లీట్ చేసి సంక్రాంతికి సినిమాని రిలీజ్ చేయనున్నారు.  దీని తర్వాత కొంచెం కూడా విశ్రాంతి తీసుకోకుండా నెక్స్ట్ సినిమాని పట్టాలెక్కించడానికి సిద్ధమయ్యారు.

వంశీ పైడిపల్లితో 25వ సినిమాను చేయడానికి మహేష్ ఎప్పుడో గ్రీన్ సిగ్నల్ ఇచ్చారు. ప్రముఖ నిర్మాతలు దిల్ రాజు, అశ్విని దత్ లు సంయుక్తంగా నిర్మిస్తున్న ఈ సినిమాకి ప్రీ ప్రొడక్షన్ పనులు జోరుగా సాగుతున్నాయి. రీసెంట్ గా లొకేషన్ వేటకు వంశీ బృందం అమెరికాకు వెళ్లి వచ్చారు. అక్కడే మొదటి షెడ్యూల్ షూట్ చేయాలనీ డైరక్టర్ భావిస్తున్నారు. జనవరి లో ఈ షెడ్యూల్ ఫిక్స్ చేసినట్లు తెలిసింది. పెద్ద పండుగను జరుపుకొని మహేష్, వంశీ పైడిపల్లీ టీమ్ అమెరికాకు వెళ్లనుంది.

Also, do SUBSCRIBE to our YouTube channel to get latest Tollywood updates.