#BheemlaNayak: పవన్ ఫ్యాన్స్ కు గూజ్ బంప్స్ తెప్పించే వీడియోనే ఇది..!

బాలీవుడ్ సూపర్ హిట్ అయిన ‘పింక్’ ను ‘వకీల్ సాబ్’ గా రీమేక్ చేసి హిట్టు కొట్టిన పవన్ కళ్యాణ్ ఇప్పుడు మరో సూపర్ హిట్ రీమేక్‌లో నటిస్తున్న సంగతి తెలిసిందే. మలయాళంలో సూపర్ హిట్ అయిన ‘అయ్యప్పనుమ్ కోషియుమ్’ తెలుగు రీమేక్ లో పవన్ కళ్యాణ్ హీరోగా నటిస్తున్నాడు.పవన్ తో పాటు రానా మరో హీరోగా నటిస్తున్న ఈ చిత్రాన్ని సాగర్ చంద్ర దర్శకత్వం వహిస్తున్నాడు.

‘సితారా ఎంటర్టైన్మెంట్స్’ బ్యానర్ పై సూర్య దేవర నాగవంశీ ఈ చిత్రానికి త్రివిక్రమ్ మాటలు అందిస్తుండగా తమన్ సంగీతం అందిస్తున్నాడు. ఇదిలా ఉండగా.. తాజాగా ఈ చిత్రానికి సంబంధించి ఓ మేకింగ్ వీడియోని విడుదల చేసింది చిత్ర బృందం. ఈ మూవీలో పవన్ కళ్యాణ్ ఓ పవర్‌ఫుల్ పోలీస్ ఆఫీసర్‌గా కనిపించబోతున్నట్టు ఈ ప్రాజెక్ట్ ఆరంభంలోనే చిత్ర యూనిట్ సభ్యులు అనౌన్స్ చేశారు. ‘భీమ్లా నాయక్’ అనే పాత్రలో పవన్ కనిపించబోతున్నాడు.

నిన్న పవన్ పాత్రకి సంబంధించిన పేరుని రివీల్ చేస్తూ ఓ పోస్టర్ ను వదిలిన చిత్ర యూనిట్ సభ్యులు ఈరోజు ..పోలీస్ డ్రెస్ లో పవన్ ను అన్ని యాంగిల్స్ లోనూ ప్రెజెంట్ చేశారు. ఈ వీడియో పవన్ అభిమానులకు పూనకాలు తెప్పించడం ఖాయం అనే చెప్పాలి. ‘ప్రొడక్షన్ నెం.12’ వర్కింగ్ టైటిల్‌తో రూపొందుతున్న ఈ చిత్రాన్ని 2022 సంక్రాంతి కానుకగా విడుదల చేయబోతున్నట్టు ఈ మేకింగ్ వీడియో ద్వారా స్పష్టం చేశారు చిత్ర యూనిట్ సభ్యులు.

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!