Akhil Agent Movie: ‘ఏజెంట్’ కోసం మరో మలయాళం స్టార్..!

July 10, 2021 / 03:12 PM ISTByFilmy Focus

Join Us

Akhil Agent Movie: ‘ఏజెంట్’ కోసం మరో మలయాళం స్టార్..!

మ‌ల‌యాళం స్టార్ హీరో ఫ‌హ‌ద్ ఫాజ‌ల్ టాలీవుడ్ లో కూడా తన క్రేజ్ ను, మార్కెట్ ను పెంచుకోవాలని భావిస్తున్నట్టు స్పష్టమవుతుంది. ఆల్రెడీ అతను అల్లు అర్జున్-సుకుమార్ కాంబినేషన్లో తెరకెక్కుతున్న ‘పుష్ష‌’ మూవీలో విలన్ గా నటిస్తున్నాడు.’ట్రాన్స్’ ‘అనుకోని అతిథి’ వంటి డబ్బింగ్ సినిమాలతో కూడా తెలుగు ప్రేక్షకులను ఆకట్టుకున్నాడు.ఇక ‘పుష్ప’ లో విలన్ పాత్ర తనకి బాగా నచ్చడంతో వెంటనే ఓకే చెప్పినట్టు ఇటీవల ఫహాద్ ఫాజిల్ చెప్పుకొచ్చాడు.

ఈ మూవీ కోసం అతను ఏకంగా 5 కోట్ల పారితోషికం అందుకున్నట్టు కూడా టాక్ నడిచింది. ఇక ‘పుష్ప’ షూటింగ్ పూర్తికాకుండానే… ఫాజిల్ కు టాలీవుడ్లో మరిన్ని అవకాశాలు వెతుక్కుంటూ వస్తున్నాయని వినికిడి. అందులో అఖిల్ మూవీ కూడా ఒకటి. అతను సురేందర్ రెడ్డి డైరెక్షన్లో `ఏజెంట్` అనే స్పై థ్రిల్లర్ మూవీలో నటిస్తున్న సంగతి తెలిసిందే. ఈ చిత్రంలో విలన్ పాత్ర కోసం ఫాజిల్ ని సంప్ర‌దించిన‌ట్టు స‌మాచారం. ఈ చిత్రంలో ఆల్రెడీ మ‌మ్ముట్టిని ఓ కీల‌క పాత్ర‌ కోసం తీసుకున్నారు.

అందుకు గాను రూ.3 కోట్ల పారితోషికం కూడా అతనికి ఆఫర్ చేసినట్టు ప్రచారం జరిగింది. దాంతో ఈ సినిమాలో విల‌న్ మమ్ముట్టినే అని అంతా అనుకున్నారు. కానీ కాదు.. ఇందులో మ‌మ్ముట్టి హీరోకి పై అధికారి లాంటి పాత్ర అని ఇన్సైడ్ టాక్. అందుకే విల‌న్ గా ఫాజిల్ ను అనుకుంటున్నారట. ప్రస్తుతానికి ఫాజిల్ ఇంకా ఓకే చెప్పలేదు. మరి అతను ఏ డెసిషన్ తీసుకుంటాడు అనేది తెలియాల్సి ఉంది..!