Agent Movie: ‘ఏజెంట్’ కోసం ఆ మలయాళం స్టార్ కు అంతిస్తున్నారా..!

ఇప్పుడు టాలీవుడ్లో పాన్ ఇండియా సినిమాల హవా పెరిగింది. ఇమేజ్ తో సంబంధం లేకుండా ప్రతీ హీరో తన మార్కెట్ ను విస్తరించుకోవాలని ప్రత్నిస్తున్నాడు. ఈ లిస్ట్ లో అఖిల్ కూడా జాయిన్ అయ్యాడు. ఇతను నటించిన ‘మోస్ట్ ఎలిజిబుల్ బ్యాచిలర్’ చిత్రం విడుదలకు సిద్ధంగా ఉంది. ‘గీతా ఆర్ట్స్’ వారి సినిమా కాబట్టి.. కచ్చితంగా ఈ సినిమా హిట్ అని అంతా ఆశాభావం వ్యక్తం చేశారు. కానీ ‘చావు కబురు చల్లగా’ సినిమా ప్లాప్ అవ్వడం.. అలాగే ‘మోస్ట్ ఎలిజిబుల్ బ్యాచిలర్’ ను ఓటిటిలో విడుదల చేయాలనే ప్రయత్నాలు జరుగుతుండడంతో ఈ సినిమా పై కూడా అనుమానాలు వ్యక్తమవుతున్నాయి.

సరే ఈ విషయాన్ని పక్కన పెట్టేస్తే అఖిల్ తన తర్వాతి చిత్రమైన ‘ఏజెంట్’ ను సురేంద్ర రెడ్డి డైరెక్షన్లో చేయబోతున్నాడు. స్టైలిష్ అండ్ యాక్షన్ ఎంటర్టైనర్ లు చేయడంలో సురేందర్ రెడ్డి దిట్ట. మాస్ ప్రేక్షకులను ఆకట్టుకునేలా కూడా ఆయన సినిమాలు తీయగలడు. దాంతో అఖిల్ కెరీర్ ను టర్న్ చేసే విధంగా ‘ఏజెంట్’ సినిమా ఉంటుందని అక్కినేని అభిమానులు భావిస్తున్నారు.కానీ ఈ సినిమాకి బడ్జెట్.. మంచి నీళ్ళలా పెట్టేస్తున్నాడు నిర్మాత. అఖిల్ ఫస్ట్ లుక్ కే రూ.70 లక్షలు ఖర్చు చేసాడు.

ఇక ఈ చిత్రంలో కీలక పాత్రకు ఎంపికైన మలయాళం హీరో మ‌మ్ముట్టికి ఏకంగా రూ.3 కోట్లు ఆఫర్ చేసాడట. నిజానికి మమ్ముట్టి హవా ఈ మధ్య కాలంలో చాలా తగ్గింది. అయినప్పటికీ మలయాళంలో ‘ఏజెంట్’ కు మంచి బిజినెస్ జరిగే అవకాశం ఉందని.. మమ్ముట్టికి అంత ఇస్తున్నట్టు తెలుస్తుంది. అంతేకాదు పాన్ ఇండియా లెవెల్లో ఈ చిత్రాన్ని రిలీజ్ చేయడం కోసం.. తమిళ్ నుండీ బాలీవుడ్ నుండీ కూడా పెద్ద నటీనటులను ఎంపిక చేసుకునే అవకాశం ఉందని వినికిడి. మొత్తంగా ఈ సినిమాకి రూ.80కోట్ల బడ్జెట్ అయ్యే అవకాశం ఉందని టాక్ బలంగా వినిపిస్తుంది.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!