Manchu Manoj: మళ్లీ మా అమ్మ దగ్గరికే వచ్చాను… మనోజ్ పోస్ట్ వైరల్!

August 22, 2023 / 03:32 PM ISTByFilmy Focus

Join Us

Manchu Manoj: మళ్లీ మా అమ్మ దగ్గరికే వచ్చాను… మనోజ్ పోస్ట్ వైరల్!

టాలీవుడ్ ఇండస్ట్రీలో నటుడుగా పలు సినిమాలలో నటిస్తూ మంచి గుర్తింపు పొందినటువంటి మంచు మనోజ్ గత కొన్ని సంవత్సరాలుగా సినిమా ఇండస్ట్రీకి దూరంగా ఉన్నారు. మనోజ్ చివరిగా 2017వ సంవత్సరంలో చివరిగా ప్రేక్షకుల ముందుకు వచ్చారు. అప్పటినుంచి ఈయన తన వ్యక్తిగత కారణాలవల్ల సినిమా ఇండస్ట్రీకి దూరమయ్యారు.ఇండస్ట్రీకి దూరంగా ఉన్నటువంటి మనోజ్ ఈ ఏడాది రెండవ వివాహం చేసుకున్న సంగతి మనకు తెలిసిందే. ఇలా రెండవ పెళ్లి తర్వాత వైవాహిక జీవితంలో ఎంతో సంతోషంగా ఉన్నటువంటి మనోజ్ కెరియర్ పట్ల కూడా ఫోకస్ చేశారు.

ఈ క్రమంలోనే ఈయన గతంలో వాట్ ది ఫిష్ అనే సినిమాని ప్రకటించిన సంగతి మనకు తెలిసిందే. అయితే ఈ సినిమాను ప్రకటించి ఇందుకు సంబంధించిన ఫస్ట్ లుక్ పోస్టర్ విడుదల చేసిన తర్వాత ఈ సినిమా నుంచి ఏ విధమైనటువంటి అప్డేట్ విడుదల చేయలేదు. తాజాగా ఈ సినిమా షూటింగ్ పనులు ప్రారంభించినట్లు తెలుస్తుంది. ఈ క్రమంలోనే ఇందుకు సంబంధించిన ఫోటోలను మంచు మనోజ్ సోషల్ మీడియా వేదికగా షేర్ చేశారు.

ఇలా మంచు మనోజ్ (Manchu Manoj) కెమెరాకు దండం పెడుతూ ఉన్నటువంటి ఫోటోని ఈయన సోషల్ మీడియా వేదికగా షేర్ చేస్తూ.. మళ్లీ మా అమ్మ దగ్గరికి.. సినిమా. మీ అందరిని నా హృదయంతో ప్రేమిస్తున్నాను అంటూ ఈయన ఫోటోని షేర్ చేశారు. ఇలా మంచు మనోజ్ ఈ సినిమా షూటింగ్లో పాల్గొంటున్న విషయాన్ని తెలియజేస్తూ సోషల్ మీడియా వేదికగా చేసినటువంటి పోస్ట్ వైరల్ అవుతుంది.

దీంతో కెరియర్ పట్ల కూడా బిజీ కానున్నారని తెలుస్తోంది.ఈ పోస్ట్ చూసినటువంటి అభిమానులు ఈయనకు ఆల్ ద బెస్ట్ చెప్పడమే కాకుండా కం బ్యాక్ చాలా స్ట్రాంగ్ గా ఉండాలి అన్నా అంటూ కామెంట్స్ చేస్తున్నారు.