Manchu Manoj: కూతురు పుట్టిన 10 రోజులకే అక్కడ అడుగుపెట్టిన మనోజ్.. ఏమైందంటే?

టాలీవుడ్ టాలెంటెడ్ హీరోలలో ఒకరైన మనోజ్ (Manchu Manoj) ప్రస్తుతం కూతురు పుట్టిన ఆనందంలో ఉన్నారు. ఈ నెల 13వ తేదీన మనోజ్ భార్య మౌనిక పండంటి ఆడబిడ్డకు జన్మనివ్వగా ఆ చిన్నారికి ఎం.ఎం.పులి అనే పేరును ఫిక్స్ చేశారు. కూతురి రూపంలో మహాలక్ష్మి మనోజ్ ఇంటికి వచ్చిందంటూ నెటిజన్లు సోషల్ మీడియా వేదికగా కామెంట్లు చేస్తుండటం గమనార్హం. అయితే పాప పుట్టిన తర్వాత పది రోజులకు మనోజ్ మళ్లీ షూటింగ్ లతో బిజీ అవుతున్నారు.

తాను తిరిగి షూటింగ్ సెట్స్ లో అడుగుపెట్టినట్టు మనోజ్ ప్రకటించడం గమనార్హం. మనోజ్ తన ట్వీట్ లో “నా మనస్సు తిరిగేది ఇక్కడే.. ఎంతో ఎండగా ఉన్నా సరే తిరిగి సెట్ లో ప్రవేశించినందుకు సంతోషంగా ఉంది.. నాకు అన్నింటికంటే బాగా ఇష్టమైన పని చేస్తున్నాను” అని పేర్కొన్నారు. కూతురు పుట్టిన 10 రోజులకే షూటింగ్ సెట్ లో అడుగుపెట్టిన మనోజ్ ను నెటిజన్లు మెచ్చుకుంటున్నారు.

మనోజ్ వర్కహాలిక్ అని ఆయన అభిమానులు కామెంట్లు చేస్తున్నారు. మనోజ్ కమ్ బ్యాక్ కోసం ఆసక్తిగా ఎదురుచూస్తున్నామని ఫ్యాన్స్ పేర్కొన్నారు. మనోజ్ ఇప్పటికే కొన్ని సినిమాలను ప్రకటించగా ఆ సినిమాల ప్రమోషన్స్ మొదలుకావడంతో పాటు రిలీజ్ డేట్ కు సంబంధించిన అప్ డేట్ రావాల్సి ఉంది. మనోజ్ ఏ రేంజ్ లో పారితోషికం అందుకుంటున్నారో తెలియాల్సి ఉంది.

వాట్ ది ఫిష్ సినిమాలో మనోజ్ హీరోగా నటిస్తుండగా మిరాయ్ (Mirai)  సినిమాలో సైతం మనోజ్ నటిస్తున్నట్టు వార్తలు వినిపిస్తున్నాయి. వేగంగా సినిమాల్లో నటించడం కంటే మంచి ప్రాజెక్ట్ లకు గ్రీన్ సిగ్నల్ ఇవ్వడానికి మనోజ్ ప్రాధాన్యత ఇస్తున్నారు. ఇతర హీరోల అభిమానులు సైతం మనోజ్ ను ఎంతో అభిమానిస్తారు. కెరీర్ పరంగా మనోజ్ మరింత సక్సెస్ కావాలని ఫ్యాన్స్ కోరుకుంటున్నారు. 2024 మనోజ్ కెరీర్ లో స్పెషల్ ఇయర్ గా నిలిచిపోతుందని ఫ్యాన్స్ చెబుతున్నారు.

https://twitter.com/HeroManoj1/status/1782289373431496963