Mohan Babu House: ఇంద్రభవనాన్ని తలపించిన మంచు వారి ఇల్లు!

December 31, 2021 / 12:13 PM ISTByFilmy Focus

Join Us

Mohan Babu House: ఇంద్రభవనాన్ని తలపించిన మంచు వారి ఇల్లు!

మోహన్‌బాబు కుటుంబం నగరశివారులో పెద్ద కోట లాంటి ఇంట్లో ఉంటుందట. చాలా రోజుల నుండి సినిమా పరిశ్రమలో, సోషల్‌ మీడియాలో మాట్లాడుకుంటూనే ఉన్నారు. ఆ ఇంటి గురించి వాళ్లు వీళ్లూ చెప్పింది వినడం తప్ప… నేరుగా చూసింది లేదు. అయితే ఆ అవకాశాన్ని మంచు లక్ష్మి ఇచ్చింది. తన యూట్యూబ్‌ ఛానల్‌లో ఆ ఇంటి హోమ్‌ టూర్‌ చేసి చూపించింది. ఇప్పుడు ఆ వీడియో వైరల్‌గా మారింది. ఇంటి పరిసరాల్ని, ఇంట్లో ప్రత్యేకతల్ని వివరిస్తూ ఆ వీడియో సాగింది.

అండర్‌ గ్రౌండ్‌ ఫ్లోర్‌తో కలిపి ఆ ఇంట్లు మూడు ఫ్లోర్స్‌లో ఉంటుంది. దిగువ స్టోరేజీ కోసం, గ్రౌండ్‌ ఫ్లోర్‌లో మొత్తం కుటుంబానికి అవసరమైన గదులు, సౌకర్యాలు ఉంటాయి. టాప్‌ ఫ్లోర్‌ పూర్తిగా మోహన్‌బాబుకే కేటాయించేశారు. ఈ మొత్తం వివరాల్ని వివరిస్తూ మంచు లక్ష్మి ఆ వీడియో చేసింది. వీడియో కాసేపు మోహన్‌బాబు కూడా కనిపించారు. ఇంటి గురించి ఆయన పెద్దగా వివరాలు చెప్పకపోయినా… కూతురు, మనవారాలితో సందడి చేసి అలరించారు. మధ్యలో ముద్రగడ పద్మనాభం గురించి కూడా ప్రస్తావన వచ్చింది. ఆయన పంపించిన పువ్వొచ్చిన కొబ్బరికాయలు గురించి కూడా చెప్పారు.

మోహన్‌బాబు ఇల్లు బయటి నుండి చూస్తే… ఎంత అద్భుతంగా ఉందో, ఇంటి లోపల చూస్తే… ఇంకా అద్భుతంగా ఉంది. ఒక్కో గది గురించి, దానిని దేని గురించి వాడుతున్నది వివరిస్తూ లక్ష్మి చెప్పారు. ఇంట్లో ఏ గోడ మీద చూసినా మోహన్‌బాబు ఫొటోలు, పిల్లల ఫొటోలే కనిపించాయి. అంతగా ఆయనకు ఫొటోలు అంటే ఇష్టమని చెప్పింది మంచు లక్ష్మి. వివిధ దేశాల నుండి, ప్రాంతాల నుండి తీసుకొచ్చిన అపురూపమైన వస్తువుల గురించి కూడా ఆ వీడియోలో చూడొచ్చు.

అన్ని గదుల గురించి వివరిస్తూ వచ్చిన లక్ష్మి… ఓ గది గురించి మాత్రం చూపించలేదు. అది మోహన్‌బాబు ప్రత్యేకమని, దానికి నెంబర్‌ లాక్‌ సెక్యూరిటీ కూడా ఉందని చెప్పింది లక్ష్మి. ఇది కాకుండా మోహన్‌బాబు పూజ చేసుకుంటున్న విధానం గురించి, ఇంటి ఆవరణలో సేంద్రీయ సాగు గురించి వివరిస్తూ మాట్లాడింది లక్ష్మి. మధ్యలో లక్ష్మి కూతురితో మోహన్‌బాబు సరదా ఫైట్‌ కూడా చూడొచ్చు. ఇంకా మరిన్ని వివరాలు ఈ వీడియోలో చూసేయండి.