మంచు విష్ణు హీరోగా ‘భక్త కన్నప్ప’ చిత్రానికి రీమేక్ గా ‘కన్నప్ప’ తెరకెక్కుతున్న సంగతి తెలిసిందే. ‘మహాభారతం’ అనే హిందీ సీరియల్‌ ను తెరకెక్కించిన ముఖేష్ కుమార్ సింగ్ ఈ చిత్రానికి దర్శకుడు. శివ భక్తుడైన కన్నప్ప కథను బాపు ఒక రకంగా చెప్పారు. అయితే ఈ కన్నప్ప.. ఇప్పటి తరానికి అర్థమయ్యే రీతిలో విజువల్ వండర్ గా ముఖేష్ రూపొందించనున్నాడు. ‘అవా ఎంటర్టైన్మెంట్స్’, ’24 ఫ్రేమ్స్ ఫ్యాక్టరీ’ సంస్థల పై మంచు విష్ణు ఈ చిత్రాన్ని నిర్మిస్తున్నారు.
పరుచూరి గోపాలకృష్ణ, బుర్రా సాయి మాధవ్, తోట ప్రసాద్ వంటి వారు ఈ చిత్రం స్క్రిప్ట్ ను డెవలప్ చేయడం జరిగింది. ప్రస్తుతం ఈ చిత్రం షూటింగ్ న్యూజిలాండ్‌లో జరుగుతుంది. ఈ క్రమంలో మంచు విష్ణు ఊహించని విధంగా గాయపడినట్టు తెలుస్తుంది. ఈ చిత్రం షూటింగ్లో భాగంగా యాక్షన్ సన్నివేశాలు చిత్రీకరిస్తున్న టైంలో డ్రోన్ ను వాడటం జరిగింది. అయితే అది అదుపు తప్పి మంచు విష్ణు మీదకు రావడంతో మంచు విష్ణు చేతికి గాయాలయ్యాయని తెలుస్తుంది.
అతని చేతికి ఎక్కువ రక్తం రావడంతో షూటింగ్‌ను క్యాన్సిల్ చేశారు. అనంతరం మంచు విష్ణుకి చికిత్స అందిస్తున్నట్లు సమాచారం. ఇక కన్నప్ప ప్రాజెక్టులో మంచు విష్ణుతో పాటు పాన్ ఇండియా స్టార్ ప్రభాస్, కన్నడ స్టార్ హీరో శివ రాజ్ కుమార్, మలయాళం స్టార్ హీరో మోహన్ లాల్, నయనతార వంటి స్టార్లు కూడా నటిస్తుండటం విశేషం.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
