Manchu Vishnu, Prakash Raj: ప్రకాష్ రాజ్ పై షాకింగ్ కామెంట్స్ చేసిన విష్ణు!

October 5, 2021 / 04:57 PM ISTByFilmy Focus

Join Us

Manchu Vishnu, Prakash Raj: ప్రకాష్ రాజ్ పై షాకింగ్ కామెంట్స్ చేసిన విష్ణు!

మూవీ ఆర్టిస్ట్ అసోసియేషన్ ఎన్నికల వల్ల ప్రకాష్ రాజ్, మంచు విష్ణు మధ్య మాటల యుద్ధం జరుగుతున్న సంగతి తెలిసిందే. అటు ప్రకాష్ రాజ్, ఇటు మంచు విష్ణు మూవీ ఆర్టిస్ట్ అసోసియేషన్ ఎన్నికలను ప్రతిష్టాత్మకంగా తీసుకోవడంతో మూవీ ఆర్టిస్ట్ అసోసియేషన్ ఎన్నికల్లో ఎవరు గెలుస్తారనే ప్రశ్నకు సమాధానం దొరకడం లేదు. ప్రకాష్ రాజ్, విష్ణు ఒకరిపై మరొకరు విమర్శలు చేసుకుంటూ ఉండటంతో పాటు అవతలి వ్యక్తులు చేసిన విమర్శలకు ధీటుగా జవాబిస్తున్నారు.

ప్రకాష్ రాజ్ మాటలకు కన్సిస్టెన్సీ లేదని అపరిచితుడు సినిమాలో విక్రమ్ మాటలు మార్చినట్టు ప్రకాష్ రాజ్ మాటలు మారుస్తున్నారని విష్ణు తెలిపారు. సీనియర్ ఎన్టీఆర్, ఏఎన్నార్, నాన్న మోహన్ బాబు, చిరంజీవి కంటే ప్రకాష్ రాజ్ గొప్ప నటుడా? అని విష్ణు ప్రశ్నించారు. ఇండస్ట్రీ ప్రకాష్ రాజ్ కు అవకాశాలు ఇవ్వడంతో పాటు ప్రకాష్ రాజ్ ను పోషించిందని విష్ణు చెప్పుకొచ్చారు. ప్రకాష్ రాజ్ వల్లే మూవీ ఆర్టిస్ట్ అసోసియేషన్ ఎన్నికలు అగ్రెసివ్ గా జరుగుతున్నాయని విష్ణు అన్నారు.

సెట్ లో ఒక అసిస్టెంట్ డైరెక్టర్ ను ప్రకాష్ రాజ్ బూతులు తిట్టారని విష్ణు చెప్పుకొచ్చారు. దర్శకనిర్మాతలను అడిగితే ప్రకాష్ రాజ్ గురించి చెబుతారని విష్ణు తెలిపారు. ఒక సినిమాలో అసిస్టెంట్ డైరెక్టర్ ను తిట్టడంతో ప్రకాష్ రాజ్ ను తొలగించి సోనూసూద్ ను పెట్టుకున్నారని విష్ణు చెప్పుకొచ్చారు. ప్రకాష్ రాజ్ కు చిన్నాపెద్దా అనే గౌరవం ఉండదని ప్రకాష్ రాజ్ తనపై చేసే విమర్శలను చూస్తే నవ్వొస్తుందని విష్ణు చెప్పుకొచ్చారు. ప్రకాష్ రాజ్ కు పొగరు అంటూ విష్ణు చేసిన కామెంట్లు నెట్టింట తెగ వైరల్ అవుతున్నాయి.