స్పైడర్ సినిమాతో రిలీజ్ కానున్న మంజుల మూవీ టీజర్

సూపర్ స్టార్ కృష్ణ కూతురు మంజుల నటిగా, నిర్మాతగా అందరికీ పరిచయమే. ఆమె తొలిసారి మెగా ఫోన్ అందుకున్నారు. దర్శకురాలిగా మారారు. ఇందిరా ప్రొడక్షన్స్ బ్యానర్ లో జెమినీ కిరణ్ నిర్మాణంలో ఓ సినిమాని తెరకెక్కిస్తున్నారు. సందీప్ కిషన్, అమైరా దస్తర్, త్రిధా చౌదరిలు హీరో, హీరోయిన్లుగా నటిస్తున్న ఈ మూవీ వేగంగా షూటింగ్ జరుపుకుంటోంది. ఈ సినిమా టీజర్ ని మహేష్ బాబు మూవీ రిలీజ్ సమయంలో విడుదల చేయాలనీ భావిస్తున్నారు. ప్రస్తుతం సూపర్ స్టార్ మహేష్ బాబు ఇన్వెస్టిగేట్ ఆఫీసర్ గా నటిస్తున్న స్పెడర్ చివరి దశలో ఉంది.

ఒక పాట మినహా అంతా పూర్తి అయింది. తమిళ దర్శకుడు మురుగదాస్ దర్శకత్వంలో రూపుదిద్దుకుంటున్న ఈ సినిమా సెప్టెంబర్ 27న రిలీజ్ కానుంది. భారీ బడ్జెట్ తో తెరకెక్కుతున్న ఈ సినిమాతో మంజుల సినిమా టీజర్ ను రిలీజ్ చేసేందుకు ప్లాన్ చేస్తున్నారు. థియేటర్లలో ప్రసారం చేసిన తర్వాత యూట్యూబ్ లో రిలీజ్ చేయనున్నట్లు తెలిసింది.

Also, do SUBSCRIBE to our YouTube channel to get latest Tollywood updates.