తెలుగులో ఈ మధ్య కాలంలో క్లాస్ డైరెక్టర్లతో పోల్చి చూస్తే మాస్ డైరెక్టర్ల సినిమాలే అంచనాలను మించి సక్సెస్ ను సొంతం చేసుకుంటున్నాయి. మాస్ డైరెక్టర్లు పాన్ ఇండియా సినిమాలను తెరకెక్కిస్తూ కళ్లు చెదిరే విజయాలను సొంతం చేసుకుంటున్నారు. అయితే ఒక విషయంలో మాత్రం మాస్ డైరెక్టర్లు ఫెయిల్ అవుతున్నారని కామెంట్లు వినిపిస్తున్నాయి. రాజమౌళి డైరెక్షన్ లో తెరకెక్కిన ఆర్ఆర్ఆర్ సంచలన విజయాన్ని సొంతం చేసుకున్న సంగతి తెలిసిందే. అయితే సినిమాలో హీరోహీరోయిన్ల మధ్య కెమిస్ట్రీని అద్భుతంగా చూపించడంలో డైరెక్టర్లు ఫెయిల్ అవుతున్నారనే కామెంట్లు వ్యక్తమవుతున్నాయి.
స్టార్ డైరెక్టర్ రాజమౌళి కొన్ని సినిమాలలో హీరోహీరోయిన్ల మధ్య కెమిస్ట్రీని అద్భుతంగా చూపించినా బాహుబలి సిరీస్, ఆర్ఆర్ఆర్ సినిమాలో మాత్రం హీరోహీరోయిన్ల మధ్య వచ్చే సన్నివేశాలు మరీ అద్భుతంగా లేవని కామెంట్లు వ్యక్తమవుతున్నాయి. మరో స్టార్ డైరెక్టర్ ప్రశాంత్ నీల్ కేజీఎఫ్2 సినిమాలో మిగతా సన్నివేశాలను అద్భుతంగా తెరకెక్కించినా హీరోహీరోయిన్ కాంబో సన్నివేశాలను మాత్రం గొప్పగా చూపించలేకపోయారు. దర్శకుడు బోయపాటి శ్రీనుకు సైతం ఈ విషయంలో నెగిటివ్ మార్కులు పడుతున్నాయి.
అయితే సుకుమార్ మాత్రం ఈ విషయంలో మంచి మార్కులు వేయించుకుంటున్నారు. పుష్ప ది రైజ్ లో హీరోహీరోయిన్ల కెమిస్ట్రీ అద్భుతమని ప్రశంసలు వ్యక్తమయ్యాయి. పుష్ప ది రూల్ లో కూడా బన్నీ రష్మిక కాంబో సీన్లను సుకుమార్ అద్భుతంగా తెరకెక్కించనున్నారని కామెంట్లు వ్యక్తమవుతున్నాయి. సౌత్ స్టార్ డైరెక్టర్లు ఈ విషయంలో సుకుమార్ ను చూసి నేర్చుకోవాలని కొంతమంది నెటిజన్లు అభిప్రాయపడుతున్నారు. సుకుమార్ ప్రస్తుతం పుష్ప2 స్క్రిప్ట్ పై పూర్తిస్థాయిలో దృష్టి పెట్టారు.
కేజీఎఫ్2 సినిమా బ్లాక్ బస్టర్ హిట్ కావడంతో పుష్ప2 మూవీలో ఎలివేషన్ సీన్లు ఉండే విధంగా సుకుమార్ జాగ్రత్తలు తీసుకుంటున్నారని తెలుస్తోంది. పుష్ప2 అంచనాలను మించిన బడ్జెట్ తో తెరకెక్కనుందని ప్రచారం జరుగుతోంది. పుష్ప2 సినిమా జూన్ నెల నుంచి సెట్స్ పైకి వెళ్లే అవకాశాలు ఉన్నాయి.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
