Mega 158 : చిరంజీవి – బాబీ కాంబోలో విలన్ గా హీరోయిన్ ? ఎవరో తెలుసా ?

తెలుగు సినీ ఇండస్ట్రీలో ఇప్పటికీ అదే ఎనర్జీతో వరుస ప్రాజెక్టులతో దూసుకుపోతున్న మెగాస్టార్ చిరంజీవి, మరో భారీ సినిమాకు సిద్ధం అవుతున్నారు. తన కెరీర్‌లో 158వ చిత్రంగా తెరకెక్కనున్న ఈ మూవీకి K. S.రవీంద్ర(బాబీ) దర్శకత్వం వహించనున్నారు. గతంలో వీరి కాంబోలో వచ్చిన ‘వాల్తేర్ వీరయ్య’ చిత్రం మంచి విజయాన్ని సాధించిన నేపథ్యంలో, ఈ ప్రాజెక్ట్‌పై అభిమానుల్లో భారీ అంచనాలు నెలకొన్నాయి.

Mega 158

ప్రస్తుతం ప్రీ-ప్రొడక్షన్ పూర్తి చేసుకున్న ఈ చిత్రం త్వరలోనే షూటింగ్ ప్రారంభం కానుంది. నిర్మాణ బాధ్యతల విషయంలో కొన్ని మార్పులు చోటుచేసుకునే అవకాశాలు ఉన్నాయని టాక్ వినిపిస్తోంది. అదే సమయంలో మ్యూజిక్ కు సంబంధించి థమన్ పేరు వినిపిస్తుండగా, సినిమాటోగ్రఫీ కోసం నిమిష్ రవి ఎంపికైనట్లు సమాచారం.

ఈ సినిమా గురించి అత్యంత ఆసక్తికరమైన విషయం ఏమిటంటే.. మెగాస్టార్‌కు ఎదురుగా ఒక మహిళా విలన్ కనిపించబోతోందన్న ప్రచారం జోరుగా జరుగుతుంది. గ్లామర్ రోల్స్‌తో గుర్తింపు పొందిన హీరోయిన్ డింపుల్ హయతి, ఈసారి పూర్తిగా భిన్నంగా, పవర్‌ఫుల్ నెగటివ్ షేడ్స్‌లో చూపించే ప్రయత్నం జరుగుతోందని ఫిల్మ్‌నగర్ వర్గాలు చెబుతున్నాయి. ఇదే జరిగితే ఇది సినిమాకు పెద్ద హైలైట్ అవుతుందని భావిస్తున్నారు.

చిరంజీవి సరసన హీరోయిన్‌గా ప్రియమణి పేరు వినిపిస్తోంది. యాక్షన్‌తో పాటు ఫ్యామిలీ ఎమోషన్స్‌కి ప్రాధాన్యత ఇస్తూ కథ సాగుతుందని, ముఖ్యంగా సెకండ్ హాఫ్‌లో వచ్చే ఫ్లాష్‌బ్యాక్ ఎపిసోడ్ సినిమాకే మేజర్ ప్లస్‌గా నిలుస్తుందని సమాచారం. మొత్తానికి, బాబీ – చిరంజీవి కాంబో మరోసారి మాస్‌తో పాటు కొత్త ఎక్స్‌పెరిమెంట్‌తో ప్రేక్షకుల ముందుకు రాబోతుందనే ఆసక్తి మరింత పెరుగుతోంది. అధికారిక ప్రకటనల కోసం అభిమానులు ఆసక్తిగా ఎదురుచూస్తున్నారు.

Rajashekhar: ఠాగూర్ సినిమా నాదే కానీ.. ఏం జరిగింది అంటే: హీరో రాజశేఖర్