Chiranjeevi, Getup Srinu: శ్రీను పెళ్లి రోజు సందర్భంగా చిరు ఏం చేశారంటే?

October 25, 2021 / 04:33 PM ISTByFilmy Focus

Join Us

Chiranjeevi, Getup Srinu: శ్రీను పెళ్లి రోజు సందర్భంగా చిరు ఏం చేశారంటే?

బుల్లితెర కమల్‌హాసన్‌ అని అభిమానులు ముద్దుగా పిలుచుకునే శ్రీను… అలియాస్‌ గెటప్‌ శ్రీనుకు చిరంజీవి అంటే ఎంత ఇష్టమో మనకు తెలిసిందే. టీవీల్లో చిరంజీవిగా చాలాసార్లు కనిపించి అలరించాడు శ్రీను. అలాంటి అభిమానుల్ని చిరంజీవి ఎప్పుడూ సర్‌ప్రైజ్‌ చేస్తూనే ఉంటారు. తాజాగా మరోసారి చిరంజీవి తన మార్కు సర్‌ప్రైజ్‌తో గెటప్‌ శ్రీనును ఆశ్చర్యపరిచారు.

‘జబర్దస్త్‌’ ద్వారా మంచి పాపులారిటీ సంపాదించుకున్న గెటప్‌ శ్రీను… ఇప్పుడు శ్రీదేవి డ్రామా కంపెనీ ద్వారా కూడా అదే స్థాయిలో వినోదాన్ని అందిస్తున్నాడు. అంతేకాదు సినిమాల్లో కూడా తనదైన వినోదాన్ని అందిస్తున్నాడు. ఈ క్రమంలో సినిమాల్లో అగ్రహీరోల పక్కన గుర్తింపు పొందిన పాత్రల్లో మెరుస్తున్నాడు కూడా. అలాగే చిరంజీవితో కూడా నటించాడు. ఆ సమయంలో శ్రీను చిరంజీవి మెచ్చుకున్నారని కూడా విన్నాం.

శ్రీను కుటుంబమంటే చిరంజీవికి ఎంత ఇష్టమో తెలిసేలా ఓ ఘటన జరిగింది. ఇటీవల గెటప్ శ్రీను వివాహ దినోత్సవం కావడంతో వారికి చిరంజీవి కేకు, స్వీట్లు సహా కొన్ని బహుమతులు పంపించారట. ఈ విషయాన్ని శ్రీను సోషల్‌ మీడియా ద్వారా తెలియజేశాడు. అన్నింటికీ మించి చిరంజీవ తన ఆశీర్వాదాలు అందించారని గెటప్‌ శ్రీను తెలిపారు. దీంతో ఈ పెళ్లి వార్షికోత్సవాన తనకు బాగా గుర్తుండిపోయే బహుమానం ఇచ్చారని శ్రీను అనందపడుతున్నాడు.