ఉప్పెన సినిమాతో తెలుగు తెరకు పరిచయమయ్యారు మెగా హీరో వైష్ణవ్ తేజ్. మొదటి సినిమాతోనే ఎంతో మంచి గుర్తింపు సంపాదించుకున్న వైష్ణవ్ అనంతరం కొండపొలం అనే సినిమా ద్వారా ప్రేక్షకుల ముందుకు వచ్చారు. అయితే ఈ సినిమా పెద్దగా ప్రేక్షకులను సందడి చేయలేకపోయింది. ఇకపోతే తాను నటించిన మూడవ సినిమా రంగ రంగ వైభవంగా. ఈ సినిమా నేడు పవర్ స్టార్ పవన్ కళ్యాణ్ పుట్టినరోజు సందర్భంగా ప్రేక్షకుల ముందుకు వచ్చింది.
నేడు ఈ సినిమా విడుదలవుతున్న సందర్భంగా వైష్ణవ్ తేజ్ ఎన్నో ఇంటర్వ్యూలలో పాల్గొన్నారు. ఈ క్రమంలోనే ఓ ఇంటర్వ్యూలో పాల్గొన్న ఈయన ఈ సినిమా గురించి పలు ఆసక్తికరమైన వ్యాఖ్యలు చేశారు. ఈ సందర్భంగా వైష్ణవ్ మాట్లాడుతూ తాము ప్లాన్ చేసి ఈ సినిమాని పవర్ స్టార్ పుట్టిన రోజు విడుదల చేయలేదని ఈ సినిమా ఎన్నోసార్లు వాయిదా పడుతూ చివరికి నేడు విడుదల కాబోతుందని తెలిపారు. ఇకపోతే తన మామయ్య పుట్టినరోజు సందర్భంగా విడుదల కాబోతున్న తన సినిమా మంచి హిట్ అయితే తనకు అంతకు మించిన సంతోషం ఏది లేదని తెలిపారు.
ఈ ఇంటర్వ్యూలో భాగంగా పవన్ కళ్యాణ్, చిరంజీవి నటించిన సినిమాలలో ఏ సినిమా రీమేక్ చేయాలని ఉందని ప్రశ్నించారు. ఇక ఈ ప్రశ్నకు వైష్ణవ్ సమాధానం చెబుతూ.. వాళ్లు నటించిన సినిమాలన్నీ క్లాసిక్ సినిమాలే. ఆ సినిమాలలో వాళ్లు తప్ప ఇతరులు ఎవరు నటించలేరు. తాను అలాంటి సాహసం అసలు చేయనని వెల్లడించారు. ఇకపోతే కచ్చితంగా రీమేక్ చేయాలని భావిస్తే పవన్ కళ్యాణ్ మావయ్య నటించిన బద్రి సినిమా రీమేక్ చేస్తానని ఆ సినిమా తనకు చాలా ఇష్టమని ఈ సందర్భంగా వైష్ణవ్ తన మనసులో మాట బయటపెట్టారు.
ప్రస్తుతం పవన్ కళ్యాణ్ సినిమా గురించి ఈయన చేసిన కామెంట్స్ సోషల్ మీడియాలో వైరల్ అవుతున్నాయి. ఇక వైష్ణవ్ రంగ రంగ వైభవంగా సినిమా విషయానికి వస్తే గిరీషయ్య దర్శకత్వంలో తెరకెక్కిన ఈ సినిమాలో రొమాంటిక్ బ్యూటిఫుల్ కేతిక వైష్ణవ్ కి జోడిగా సందడి చేయనున్నారు.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
