ఒకే రోజు వస్తున్న మెగా హీరోల సినిమాలు!

మెగా కుటుంబంలో పదిమంది హీరోలున్నారు. తెలుగు చిత్రపరిశ్రమకు అనువైన సీజన్స్ ఉండేవి నాలుగే. ఆ సీజన్స్ లో మెగా హీరోల చిత్రాలు రిలీజ్ అవ్వడానికి పోటీ పడుతుంటాయి. అయితే మెగా హీరోల సినిమాలు ఒకే రోజు రాకుండా మెగాస్టార్ చిరంజీవి దగ్గరుండి చూసుకుంటున్నారు. కొన్ని రోజుల క్రితం మెగా ఫ్యామిలీలో వరుణ్ తేజ్, సాయి ధరమ్ తేజ్ సినిమాలు తొలిప్రేమ, ఇంటిలిజెంట్ మధ్య పోటీ నెలకొంటే చిరు కల్పించుకొని ఇంటిలిజెంట్ ని ఫిబ్రవరి 9 న, తొలిప్రేమని ఫిబ్రవరి 10 రిలీజ్ అయ్యేలా చేశారు. ఈ సారి నుంచి మెగా హీరోల సినిమాల మధ్య కనీసం వారం గ్యాప్ ఉండేలా చూసుకోవాలని చిరు చెప్పారంట. కానీ మళ్ళీ క్లాష్ ఏర్పడింది. ఎ.కరుణాకరన్‌ దర్శకత్వంలో  హీరో సాయిధరమ్‌ తేజ్‌, అనుపమ పరమేశ్వరన్‌ కలిసి నటించిన ‘తేజ్‌’. ఐ లవ్‌ యు జులై 6న రిలీజ్ కానున్నట్లు ప్రకటించింది.

ఇక మెగాస్టార్ చిన్న అల్లుడు కళ్యాణ్ దేవ్ హీరోగా పరిచయమవుతున్న సినిమా విజేత జులై 6న థియేటర్లకు రానుంది. ఈ చిత్రాన్ని నిర్మించిన సాయి కొర్రపాటి కి ఈగ అద్భుతమైన విజయాన్ని అందించింది. ఆ చిత్రం జులై 6న రిలీజ్ అయింది. ఆ సెంటిమెంట్ తోనే విజేతని అదే రోజు విడుదల చేయాలనీ ఫిక్స్ అయ్యారు. సో మెగా అల్లుడు, మేనల్లుడు సినిమాల మధ్య పోటీ నెలకొని ఉంది. ప్రస్తుతం చిరంజీవి సైరా నరసింహా రెడ్డి చిత్ర షూటింగ్ లో బిజీగా ఉన్నారు. అతనికి ఈ పోటీ విషయం తెలుసా? తెలిస్తే.. మేనల్లుడి సినిమా రిలీజ్ డేట్ ని మారుస్తారా? లేదా? అనేది ఆసక్తికరంగా మారింది.