మెగాస్టార్ చిరంజీవి తన పాటలకు మరోసారి స్టెప్పులు వేశారు. సింగల్ టేక్ లోనే ఒకే చేసి ఇప్పటికీ తన స్టామినా తగ్గ లేదని నిరూపించారు. సాంగ్ ఏంటి ? ఒకే ఏంటి ? అనుకుంటున్నారా ? .. చెబుతాను కూల్ గా చదవండి. “మా టీవీ” వారు ప్రతి ఏడాది విడుదలైన తెలుగు సినిమాల్లో బెస్ట్ గా నిలిచిన వాటికి అవార్డులు ఇస్తుంటారు. ఈ సంవత్సరం కూడా అవార్డుల వేడుక నిర్వహించనున్నారు. స్టార్ కంపనీ “మా టీ వీ”ని సొంతం చేసుకున్నతర్వాత తొలిసారిగా జరుతున్నసంబరం కావడంతో దీనిని మరింత గ్రాండ్ గా నిర్వహించడానికి ప్లాన్ చేస్తున్నారు. ఈ వేడుకలో నేటి తెలుగు హీరోయిన్ లతో పాటు మెగా స్టార్ చిరంజీవి కూడా లైవ్ పెర్ఫార్మెన్స్ ఇవ్వనున్నారు. ఈ ఈవెంట్లో చిరంజీవి నటించిన 149 సినిమాల్లోని హిట్ పాటల్లో కొన్నింటికి డ్యాన్స్ వేస్తారు.
అయితే కొన్నిపాటలను ముందుగానే ఏవీ ద్వారా చూపిస్తారు. ఆ ఏవీ కోసం చిరు ముఠామేస్త్రి, ఇంద్ర వంటి సినిమాల్లోని పాటలకు డ్యాన్స్ వేసారు. ఈ షూట్ లో మెగాస్టార్ సింగల్ టేక్ లోనే సాంగ్ ని ఒకే చేయించారు. చిరు 150వ సినిమా కత్తిలాంటోడు సెట్స్ మీదకు వెళ్లేముందు ఈ కార్యక్రమంలో పాల్గొనడం తనకు ఎంతో ఉపయోగ పడుతుందని చిరంజీవి భావించారట. తన పెర్ ఫార్మెన్స్ ను, స్క్రీన్ ప్రెజెన్స్ ను ఓసారి చెక్ చేసుకోవచ్చని ఉత్సాహంగా పాల్గొంటున్నారు. ఈ కార్యక్రమం జూన్ 12న హైటెక్ సిటీ లోని హెచ్ఐసిసిలో జరగనుంది. ఇందుకు సినీ పరిశ్రమకు చెందిన వారు మాత్రమే హాజరవుతారు. మా టీవీ లో ఎప్పుడు ప్రసారమవుతుందనే విషయం ఇంకా చెప్పలేదు.
