‘సైరా’ కి జరిగింది.. ‘152’ కి రిపీట్ అవ్వకూడదట..!

‘సైరా నరసింహారెడ్డి’ చిత్రం చేసి తన డ్రీం ను నెరవేర్చుకున్నారు మెగాస్టార్ చిరంజీవి. అయితే ఈ చిత్రం మంచి టాక్ తెచుకున్నప్పటికీ కలెక్షన్లను మాత్రం ఆశించిన స్థాయిలో రాబట్టలేకపోయింది. పాన్ ఇండియా స్థాయిలో సినిమాని రూపొందించినప్పటికీ.. ఆ స్థాయిలో నిర్మాత చరణ్ ప్రమోట్ చేయలేకపోవడం ఈ చిత్రానికి ఒక మైనస్ అయితే… ఈ చిత్రంలో మెగాస్టార్ చిరంజీవి లుక్ కూడా ఒక కారణమని చెప్పొచ్చు. చాలా ఏజ్డ్ పేస్… అలాగే లావుగా కనిపించడం.. వారియర్ గెటప్ కు మెగాస్టార్ సెట్ అవ్వలేదు అనే కామెంట్స్ కూడా వినిపించాయి.

అయితే ‘సైరా’ కి జరిగిన తప్పు.. తన 152 వ సినిమా విషయంలో రిపీట్ కాకూడదని మెగాస్టార్ భావిస్తున్నారట. అందుకే కొరటాలతో చేయబోయే సినిమా కోసం లుక్ విషయంలో చాలా జాగ్రత్తలు తీసుకుంటున్నారట. ఇందుకోసం ట్రైనర్ ను కూడా పెట్టుకుని జిమ్ లో తెగ వర్కౌట్ లు చేస్తున్నారు మెగాస్టార్. 64 ఏళ్ళ వయసులో కూడా సినిమా కోసం ఇంత కష్టపడుతున్న మెగాస్టార్ కు.. కచ్చితంగా హ్యాట్సాఫ్ కొట్టాల్సిందే..! ఇక మెగాస్టార్ జిమ్ లో వర్కౌట్ చేస్తున్న ఫోటో ఒకటి సోషల్ మీడియాలో తెగ వైరల్ అవుతుంది.

తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!