మెగాస్టార్, పవర్ స్టార్ను ఒకేసారి స్క్రీన్ మీద చూద్దాం అని చాలామంది వెయిట్ చేస్తున్నారు. గతంలో ఓ సందర్భంలో జరిగినా… అది అతిథిపాత్ర మాత్రమే. ఒకరిద్దరు నిర్మాతలు వీరిద్దరినీ కలిపి సినిమా చేయడానికి ప్రయత్నాలు చేసినా వర్కౌట్ కాలేదు. మెగా ఫ్యాన్స్ లెక్కలు, కథ అవైలబిలిటీ లాంటి వాటి కారణంగా ఈ కాంబినేషన్ వీలుపడటం లేదు. కాబట్టి ఇద్దరి సినిమాలు ఏక కాలంలో థియేటర్లలోకి వస్తే చూద్దాం అంటే అదీ వీలుకావడం లేదు. కానీ పరిస్థితులు సహకరిస్తే ఆ సీన్ చూసే అవకాశం ఉందనిపిస్తోంది.
చిరంజీవి ప్రస్తుతం మూడు సినిమాలతో బిజీగా ఉన్నారు. పవన్ కల్యాణ్ ఒక సినిమా సెట్స్ మీద పెట్టి… రెండు సినిమాల ప్రీ ప్రొడక్షన్లో ఉంచారు. దీంతో సినిమాలు దగ్గరదగ్గరలో వచ్చే అవకాశం ఉంది. ఈ క్రమంలో వచ్చే దసరాకే ఈ ఫీట్ చూడొచ్చు. అయితే దీనికి చాలా లెక్కలు, వాయిదాల పర్వాలు కలసి రావాలి. అన్నింటికీ మించి ఒక సినిమా అనుకున్న సమయానికి పూర్తవ్వాలి. మరొక సినిమా అనుకున్న సమయం కంటే ఆలస్యమవ్వాలి.
కన్ఫ్యూజ్ లేకుండా చెప్పాలంటే ‘గాడ్ఫాదర్’ సినిమా కాస్త ఆలస్యమవ్వాలి. ‘హరి హర వీరమల్లు’ సినిమా అనుకున్న సమయం కంటే ముందు పూర్తవ్వాలి. లేదంటే అనుకున్న సమయానికైనా పూర్తవ్వాలి. అయతే ఈ రెండూ కష్టమే అంటున్నారు. చిరంజీవి ‘గాడ్ఫాదర్’ సినిమాను ఆగస్టు 11న విడుదల చేయాలని చిత్రబృందం నిర్ణయించిందని వార్తలొస్తున్నాయి. అయితే ఇంకా ఎలాంటి ప్రకటనా రాలేదు. దీంతో ఆలస్యమవుతుందేమో అంటున్నారు.
ఇక ‘హరి హర వీరమల్లు’ను దసరా సందర్భంగా విడుదల చేద్దామని చూస్తున్నారు. అయితే ఓవైపు సినిమా క్వాలిటీ విషయంలో పవన్ అభ్యంతరాలు, మరోవైపు పవన్ రాజకీయ కార్యక్రమాలతో సినిమా ఆలస్యమవుతోంది. దీంతో ఈ సినిమా దసరాకు డౌటే అంటున్నారు. ఒకవేళ ఈ సినిమా దసరాకే వస్తే, ‘గాడ్ ఫాదర్’ ఆగస్టులో రాకుండా ఆలస్యమైతే దసరాకు మెగా వర్సెస్ పవర్ చూడొచ్చు. అయితే మరి ఈ రెండూ జరుగుతాయా అనేది చూడాలి.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
