లోకనాయకుడు కమల్ హాసన్ చాలా రోజుల తరువాత వెండితెరపై సందడి చేశారు. ఆయన నటించిన ‘విక్రమ్’ సినిమా ఇటీవల ప్రేక్షకుల ముందుకొచ్చింది. మొదటిరోజు నుంచే ఈ సినిమా హిట్ టాక్ రావడంతో.. బాక్సాఫీస్ వద్ద దూసుకుపోతుంది. లోకేష్ కనగరాజ్ దర్శకత్వంలో తెరకెక్కిన ఈ సినిమాను తెలుగులో నిర్మాత సుధాకర్ రెడ్డి విడుదల చేశారు. జూన్ 3న విడుదలైన ‘విక్రమ్’ సినిమా భారీ కలెక్షన్స్ ను రాబడుతోంది.
విజయ్ సేతుపతి, ఫహద్ ఫాజిల్ లాంటి స్టార్లు కీలకపాత్రల్లో నటించగా.. సూర్య గెస్ట్ రోల్ లో మెరిశారు. ఈ క్రమంలో మూవీ మేకర్స్ వరుసగా సక్సెస్ మీట్స్ ను నిర్వహిస్తున్నారు. హైదరాబాద్ లో జరిగిన ‘విక్రమ్’ సక్సెస్ మీట్ లో పాల్గొన్న కమల్ హాసన్.. బాలీవుడ్ స్టార్ సల్మాన్ ఖాన్, దర్శకుడు లోకేష్ లకు మెగాస్టార్ చిరంజీవి తన ఇంట్లో గ్రాండ్ పార్టీ ఇచ్చారు.
చాలా రోజుల తరువాత తన స్నేహితుడిని కలిశానంటూ చిరు ఆనందం వ్యక్తం చేశారు. కమల్ హాసన్ ను సన్మానించి, దర్శకుడు లోకేష్ ను అభినందించారు. ఈ పార్టీకి నితిన్ కూడా హాజరయ్యారు. ఈ సందర్భంగా తీసుకున్న ఫొటోలు బయటకొచ్చాయి. ఈ సందర్భంగా చిరంజీవి ఓ ట్వీట్ పెట్టారు. తన పాత స్నేహితుడిని కలిసినందుకు ఎంతో సంతోషంగా ఉందని.. ‘విక్రమ్’ సినిమా పెద్ద సక్సెస్ కావడంతో మా ఇంట్లో పార్టీ ఏర్పాటు చేశామని అన్నారు చిరు.
కమల్‌హాసన్‌తోపాటు సల్మాన్ ఖాన్, లోకేష్ కనగరాజ్ మా ఇంటికి రావడంతో చాలా సంతోషంగా ఉందని అన్నారు మెగాస్టార్. ‘విక్రమ్’ సినిమా చాలా అద్భుతంగా, థ్రిల్లింగ్ గా ఉందని చెప్పారు. కుదోస్ టు మై ఫ్రెండ్.. ఈ సినిమా సక్సెస్ నీకు మరింత శక్తిని ఇస్తుందంటూ ట్వీట్ లో రాసుకొచ్చారు చిరు. ప్రస్తుతం ఈ ట్వీట్, ఫొటోలు సోషల్ మీడియాలో వైరల్ అవుతున్నాయి.
Most Recommended Video
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
Home