Chiranjeevi, Salman Khan: ‘గాడ్ ఫాదర్’లో స్పెషల్ ఎట్రాక్షన్ ఇదే!

మెగాస్టార్ చిరంజీవి ప్రధాన పాత్రలో తెరకెక్కుతోన్న చిత్రం ‘గాడ్ ఫాదర్’. మలయాళంలో భారీ విజయాన్ని అందుకున్న ‘లూసిఫర్’ సినిమాకి రీమేక్ గా దీన్ని తెరకెక్కిస్తున్నారు. మోహన్ రాజా దర్శకత్వ బాధ్యతలు నిర్వహిస్తున్నారు. ఈ సినిమాలో బాలీవుడ్ హీరో సల్మాన్ ఖాన్ అతిథి పాత్రలో కనిపించబోతున్న సంగతి తెలిసిందే. సల్మాన్ ఖాన్ పై కొన్ని కీలకమైన సన్నివేశాలు, ఓ ఫైట్ సీన్ తెరకెక్కించారు. మలయాళంలో పృథ్వీరాజ్ సుకుమారన్ చేసిన పాత్ర ఇది.

Click Here To Watch NOW

నిజానికి పృథ్వీరాజ్ సుకుమారన్ క్లైమాక్స్ లో వచ్చి సర్ప్రైజ్ చేస్తాడు. అతడి పాత్ర పరిధి కూడా కొన్ని సీన్లు, ఓ ఫైట్ మాత్రమే. అయితే సల్మాన్ రాకతో.. ఆ పాత్ర పరిధిని ఇంకాస్త పెంచాల్సి వచ్చింది. ఓ పాట కూడా ఇప్పుడు జోడిస్తున్నారు. ఆ పాటలో చిరు, సల్మాన్ కలిసి స్టెప్పులు వేయబోతున్నారు. ఈ వారంలోనే ఈ పాటను ముంబై లో తెరకెక్కించడానికి రంగం సిద్ధం అవుతోంది. ఇప్పటికే ఈ పాట కోసం ఓ పెప్పీ ట్యూన్ ను తయారు చేసినట్లు తెలుస్తోంది.

జానీ మాస్టర్ నేతృత్వంలో ఈ పాటను తెరకెక్కిస్తారు. చిరంజీవి-సలాం కలిసి స్టెప్పులు వేయడం ఆడియన్స్ కు ఐఫీస్ట్ అనే చెప్పాలి. ఈ సాంగ్ సినిమాకి ప్రధాన ఆకర్షణగా నిలవనుంది. ఈ సినిమా కోసం సల్మాన్ కి ఎంత రెమ్యునరేషన్ ఇచ్చారనే ఆసక్తికర ప్రశ్న. సల్మాన్ ఇమేజ్, ఆయన క్రేజ్ దృష్టిలో పెట్టుకుంటే భారీ రెమ్యునరేషన్ ఇవ్వాల్సి వస్తుంది. కానీ సల్మాన్ ఈ సినిమా కోసం ఒక్క రూపాయి కూడా తీసుకోలేదని సమాచారం.

చిరంజీవిపై గౌరవంతో ఆయన ఈ సినిమా చేస్తున్నారట. నాకు డ‌బ్బులు అవ‌స‌రం లేదు.. డబ్బులు ఇస్తానంటే ఈ సినిమా చేయనని సున్నితంగా చెప్పారట. ఆ విధంగా చిరుపై తన అభిమానాన్ని చాటుకున్నారు. ఇక ఈ సినిమాలో నయనతార కీలకపాత్ర పోషిస్తుంది.

ఆర్ఆర్ఆర్ సినిమా రివ్యూ & రేటింగ్!

Most Recommended Video

‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?