Chiranjeevi: తారకరత్న ఆరోగ్యంపై మెగాస్టార్ అప్డేట్!

తెలుగు దేశం పార్టీ జాతీయ ప్రధాన కార్యదర్శి నారా లోకేష్ చేపట్టిన ‘యువగళం’ పాదయాత్రలో పాల్గొనడానికి వెళ్లిన నందమూరి తారకరత్న… కుప్పంలో గుండెపోటుకు గురైన సంగతి తెలిసిందే. దీంతో వెంటనే ఆయన్ను ఆసుపత్రికి తరలించారు. ఆ తర్వాత పరిస్థితి విషమించడంతో బెంగుళూరులోని నారాయణ హృదయాలయ ఆసుపత్రికి తీసుకువెళ్లారు. ప్రస్తుతం అక్కడ చికిత్స అందుతోంది. నందమూరి బాలకృష్ణ, తారకరత్న తండ్రి నందమూరి మోహన కృష్ణ, సతీమణి అలేఖ్యా రెడ్డి సహా కుటుంబ సభ్యులు దగ్గరుండి తారకరత్నను చూసుకుంటున్నారు.

ఇప్పుడు ఆయన ఆరోగ్యం ఎలా ఉందా..? అని అభిమానులు ఆందోళన చెందుతున్నారు. వారందరికీ గుడ్ న్యూస్ చెప్పారు మెగాస్టార్ చిరంజీవి. తారకరత్న ఆరోగ్యం ఎలా ఉందో చెబుతూ.. ఓ ట్వీట్ వేశారు చిరు. ”సోదరుడు తారకరత్న త్వరగా కోలుకుంటున్నారు, ఇంక ఏ ప్రమాదం లేదు అనే మాట ఎంతో ఉపశమనాన్నిచ్చింది. తను త్వరలో పూర్తి స్థాయిలో కోలుకుని ఇంటికి తిరిగి రావాలని కోరుకుంటూ, ఈ పరిస్థితి నుండి కాపాడిన ఆ డాక్టర్లకి ఆ భగవంతుడికి కృతజ్ఞతలు” అంటూ రాసుకొచ్చారు.

ఈ ట్వీట్ తో నందమూరి అభిమానులు ఊరట చెందారు. తెలుగు దేశం పార్టీ అధినేత, మాజీ ముఖ్యమంత్రి నారా చంద్రబాబు నాయుడు, నందమూరి కుటుంబ సభ్యులు జూనియర్ ఎన్టీఆర్, కళ్యాణ్ రామ్, సుహాసిని, దగ్గుబాటి పురందేశ్వరి, హీరో మంచు మనోజ్ తదితరులు బెంగళూరు తారకరత్నను పరామర్శించి వచ్చారు. ఈ క్రమంలో ఆయన త్వరగా కోలుకోవాలని సోషల్ మీడియా వేదికగా పోస్ట్ లు పెట్టారు.

సోదరుడు తారకరత్న త్వరగా కోలుకుంటున్నారు,ఇంక ఏ ప్రమాదం లేదు అనే మాట ఎంతో ఉపశమనాన్నిచ్చింది. తను త్వరలో పూర్తి స్థాయిలో కోలుకుని ఇంటికి తిరిగి రావాలని కోరుకుంటూ,ఈ పరిస్థితి నుండి కాపాడిన ఆ డాక్టర్లకి
ఆ భగవంతుడికి కృతజ్ఞతలు.

May you have a long and healthy life dear Tarakaratna!

— Chiranjeevi Konidela (@KChiruTweets) January 31, 2023

2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!

షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?