Chiranjeevi: చిరు – వశిష్ట..ల మూవీ గురించి ఇంట్రెస్టింగ్ అప్డేట్..!

మెగాస్టార్ చిరంజీవి గత రెండేళ్లలో 3 సినిమాలు రిలీజ్ చేశారు. రేపు అనగా ఆగస్టు 11 న 4 వ సినిమా కూడా రిలీజ్ కాబోతుంది. సౌత్ లో ఏ స్టార్ హీరోకి సాధ్యం కాని విధంగా మెగాస్టార్ చిరంజీవి రెట్టింపు జోష్ తో దూసుకుపోతున్నారు.గత మూడు సినిమాల నుండి చూసుకుంటే.. పెద్దగా అంచనాలు లేని దర్శకులతోనే ఆయన సినిమాలు చేస్తూ వస్తున్నారు అని చెప్పొచ్చు. రేపు ‘భోళా శంకర్’ రిలీజ్ కాబోతోంది. ఏమాత్రం బజ్ లేకుండా ఈ సినిమా రిలీజ్ కాబోతోంది.

హిట్ టాక్ వస్తే కనుక ఈ సినిమా కూడా భారీగా కలెక్ట్ చేసే అవకాశాలు ఉన్నాయి. ఇక ఈ సినిమా తర్వాత చిరు కొంత గ్యాప్ తీసుకుంటారు అంటూ ప్రచారం జరిగింది. కానీ అందులో నిజం లేదు. ఆగస్టు 22న అదే చిరు పుట్టినరోజు నాడు కళ్యాణ్ కృష్ణతో కమిట్ అయిన సినిమా పూజా కార్యక్రమాలు ప్రారంభం కానున్నాయి. చిరు  (Chiranjeevi) పెద్ద కుమార్తె సుస్మిత కొణిదెల ఈ చిత్రానికి నిర్మాత.

ఇక దీని తర్వాత ‘బింబిసార’ దర్శకుడు మల్లిడి వశిష్ట్ తో ఓ సినిమా చేయడానికి రెడీ అవుతున్నారు చిరు. ఇది ఒక సోసియో ఫాంటసీ మూవీ. కొంచెం ‘జగదేకవీరుడు అతిలోక సుందరి’ మూవీ టచ్ కూడా ఉంటుందని తెలుస్తుంది. కీరవాణి సంగీత దర్శకుడిగా ఎంపికయ్యారు. నవంబర్ లో ఈ చిత్రం పూజా కార్యక్రమాలతో షూటింగ్ ను ప్రారంభించబోతున్నట్టు సమాచారం. త్వరలోనే ఈ ప్రాజెక్టుకు సంబంధించిన పూర్తి వివరాలు ప్రకటించే అవకాశాలు ఉన్నాయి.

ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!

రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!