హరీష్ శంకర్ దర్శకత్వంలో అల్లు అర్జున్ నటిస్తున్న దువ్వాడ జగన్నాథం సినిమా షూటింగ్ రెండు రోజుల్లో పూర్తికానుంది. ప్రస్తుతం బన్నీ, పూజ హెగ్డే పై చివరి సాంగ్ చిత్రీకరణ సాగుతోంది. ప్రముఖ నిర్మాత దిల్ రాజు నిర్మిస్తున్న ఈ చిత్రం టీజర్, ట్రైలర్ యూట్యూబ్ లో రికార్డులు సృష్టిస్తున్నాయి. ఈనెల 23న థియేటర్లలోకి రానున్న ఈ సినిమా ఆడియో రిలీజ్ వేడుకను రేపు శిల్పకళా వేదిక లో నిర్వహించనున్నారు. ఈ కార్యక్రమానికి మెగాస్టార్ చిరంజీవి ముఖ్య అతిథిగా రాబోతున్నారు.
చైనా టూర్ ముగించుకొని నిన్ననే హైదరాబాద్ కి వచ్చిన చిరు.. అల్లు అర్జున్ ఆహ్వానాన్ని మన్నించి వేడుకకు వస్తానని మాట ఇచ్చినట్లు తెలిసింది. రాక్ స్టార్ దేవిశ్రీ ప్రసాద్ మరో మారు బన్నీకి అద్భుతమైన ఆల్బమ్ ని ఇస్తాడనడంలో ఎటువంటి సందేహం అవసరం లేదు. ఇప్పటికే వదిలిన రెండు పాటలు అభిమానులను ఉక్కిరిబిక్కిరి చేస్తున్నాయి. మిగతా పాటలను రేపు పూర్తిగా విననున్నారు.
Also, do SUBSCRIBE to our YouTube channel to get latest Tollywood updates.
