Sakthi Movie: ‘శక్తి’ కి ముందు అనుకున్న కథ ఒకటి.. తీసిన కథ ఇంకోటి : మెహర్ రమేష్

ఎన్టీఆర్ – మెహర్ రమేష్ కాంబినేషన్లో రూపొందిన మొదటి చిత్రం ‘కంత్రి’. తెలుగులో మెహర్ రమేష్ డైరెక్షన్లో రూపొందిన మొదటి మూవీ ఇది. అశ్వినీదత్ ఈ చిత్రాన్ని నిర్మించడం జరిగింది. సినిమాకి మిక్స్డ్ టాక్ వచ్చినా.. బాగానే కలెక్ట్ చేసింది. బయ్యర్స్ సేఫ్ అయ్యారు. 3 ఏళ్ళ తర్వాత ఇదే కాంబినేషన్లో ‘శక్తి’ అనే మూవీ రూపొందింది. ఈ మూవీ పెద్ద డిజాస్టర్ అయ్యింది. ఈ సినిమా దెబ్బకి నిర్మాణ రంగం వదిలిపెట్టి విజయవాడ వెళ్ళిపోదాం అని అనుకున్నాను అంటూ అశ్వినీదత్ గారు ఓ సందర్భంలో చెప్పుకొచ్చారు.

అయితే ఈ సినిమా కథ మొత్తం మార్చేశారు. ముందుగా నేను చెప్పిన కథ అది కాదు అంటూ దర్శకుడు మెహర్ రమేష్ ఇటీవల ఓ ఇంటర్వ్యూలో చెప్పి అందరికీ షాకిచ్చారు. ఆయన మాట్లాడుతూ.. ” ‘శక్తి’ సినిమా కథ నేను ఎన్టీఆర్ కు, దత్ గారికి చెప్పింది వేరు. ఓ గైడ్ ఉంటాడు. వాడు సీక్రెట్ ఆపరేషన్ లో భాగంగా హోమ్ మినిస్టర్ కూతుర్ని కాపాడతాడు. ఆ తర్వాత వాళ్ళిద్దరికీ లవ్ స్టోరీ ఉంటుంది.

ఇది నేను చెప్పిన లైన్. అయితే దత్ గారు కొంతమంది రైటర్స్ ను పిలిపించి.. కూర్చోబెట్టి.. మధ్యలో శక్తి పీఠాలు అంటూ ఓ డివోషనల్ టచ్ ఇద్దామని డిసైడ్ అయ్యారు. ఓ సందర్భంలో నేను చెప్పాను.. ‘సార్ అది నేను హ్యాండిల్ చేయలేను. ముందు నేను చెప్పిన కథతో వెళ్దాము. కావాలంటే ఇది వేరే కథగా చేద్దాం అని చెప్పాను. కానీ ఆయన లేదు..

ఇలా చేస్తే విజువల్ గా బాగుంటుంది అన్నారు. నేను ఆల్రెడీ ఆ ప్రాజెక్ట్ కి సైన్ చేశాను. సినిమా ప్లాప్ అయ్యింది. నేనే తీసుకున్నాను ఆ రిజల్ట్ ని..! కొబ్బరికాయ కొట్టిన దగ్గర్నుంచి గుమ్మడి కాయ కొట్టే వరకు మొత్తం నాదే బాధ్యత. ఆ బ్లేమ్ నేనే తీసుకున్నాను” అంటూ మెహర్ రమేష్ చెప్పుకొచ్చాడు.

ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!

మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!