Mehreen Dance: నడి రోడ్డు పై మెహ్రీన్ డ్యాన్స్.. వైరల్ అవుతున్న వీడియో..!

June 26, 2022 / 03:17 PM ISTByFilmy Focus

Join Us

Mehreen Dance: నడి రోడ్డు పై మెహ్రీన్ డ్యాన్స్.. వైరల్ అవుతున్న వీడియో..!

నేచురల్ స్టార్ నాని హీరోగా రూపొందిన ‘కృష్ణగాడి వీర ప్రేమ గాధ’ చిత్రంతో టాలీవుడ్ కు పరిచయమైన మెహ్రీన్ పిర్జాదా అటు తర్వాత ‘మహానుభావుడు’ ‘రాజా ది గ్రేట్’ వంటి వరుస హిట్లతో క్రేజీ హీరోయిన్ అయిపోయింది. అటు తర్వాత ఈమెకు వరుస ప్రాజెక్టులు క్యూలు కట్టడంతో ఈమె మరో కాజల్ అవుతుంది అని అంతా అనుకున్నారు. కానీ తర్వాత పలు ప్లాప్ లు పలకరించడంతో సైలెంట్ అయిపోయింది. అటు తర్వాత ఈమె నటించిన సినిమాల్లో ‘ఎఫ్2’ ‘ఎఫ్3’ లు తప్ప ఇంకో హిట్టు సినిమా లేదు.

ప్రస్తుతం అడపా దడపా సినిమాల్లో నటిస్తుంది కానీ అవి అంత క్రేజ్ ఉన్న సినిమాలు ఏమీ కావు. ఇదిలా ఉండగా.. మెహ్రీన్ కోవిడ్ టైములో పెళ్లి చేసుకోవడానికి రెడీ అయ్యింది. కానీ అది ఎంగేజ్మెంట్ తోనే ఆగిపోయింది.తాజాగా మెహ్రీన్ నడిరోడ్డు పై డ్యాన్స్ చేసి హాట్ టాపిక్ అయ్యింది. అయితే అది బంధువుల పెళ్లిలోనే లెండి.తన పెళ్లి విషయాన్ని మర్చిపోయి మరీ ఈమె చిందులేసింది.తన దగ్గరి బంధువుల పెళ్లి వేడుకల్లో మెహ్రీన్ బాగా ఎంజాయ్ చేసింది.

ఇప్పటివరకు సినిమాలతో బిజీగా ఉన్న ఆమెకు ఇప్పుడు కాస్త విశ్రాంతి దొరికినట్టు అయ్యింది. ఇక ఈ సమయాన్ని ఆమె మనసారా అనుభవిస్తూ మరో అమ్మాయితో కలిసి తీన్‌మార్ కు స్టెప్పులు వేసింది. ‘పంజాబీ వెడ్డింగ్‌ సీన్స్‌’ అనే క్యాప్షన్ తో ఈ వీడియోని సోషల్ మీడియాలో పోస్ట్ చేసింది మెహ్రీన్. కొద్ది సమయంలోనే ఈ వీడియో వైరల్ అయిపోయింది.