Guntur Kaaram: ‘గుంటూరు కారం’ ప్రీ రిలీజ్‌ ఈవెంట్‌కి చీఫ్‌ గెస్ట్‌ ఆయనేనా? త్వరలో క్లారిటీ!

మహేష్‌బాబు, త్రివిక్రమ్‌, పవన్‌ కల్యాణ్‌… ఈ ఫ్రేమ్‌ను చూస్తే మీకు ఎలా ఉంటుంది. ఆ మగ్గురి ఫ్యాన్స్‌కి అయితే కనులపండువ అని చెప్పొచ్చు. అందుకే ఈ కాంబోని మెమరబుల్‌ కాంబో అని అంటారు. టాలీవుడ్‌లో ఇద్దరు స్టార్‌ హీరోలు, ఒక స్టార్‌ దర్శకుడు కలయిక మరి మెమరబులే కదా మరి. ఈ ఫ్రేమ్‌ను ఓ పెద్ద స్టేజీ మీద చూసే రోజు దగ్గరలోనే ఉంది అని చెప్పొచ్చు. ఎందుకంటే ‘గుంటూరు కారం’ ప్రీ రిలీజ్‌ ఈవెంట్‌లో ఆ కాంబినేషన్‌ చూడొచ్చు.

మహేష్ బాబు, త్రివిక్రమ్ కాంబినేషన్‌లో రూపొందుతున్న సినిమా ‘గుంటూరు కారం’. జనవరి 12న ఈ సినిమా రిలీజ్ చేస్తామని టీమ్‌ ఇప్పటకే చెప్పేసింది. ఈ నేపథ్యంలో సినిమా ప్రీ రిలీజ్‌ ఈవెంట్‌ను భారీగా చేయాలని చూస్తున్నారట. దీని కోసం జనవరి 7, 8 తేదీల్లో హైదరాబాద్‌లో ప్లాన్‌ చేస్తున్నారట. ఎల్బీ స్టేడియంలో ఈ మేరకు భారీ ఈవెంట్‌ను ప్లాన్‌ చేస్తున్నారట. అయితే ఆ రెండు రోజుల్లో పవన్‌ ఫ్రీగా ఉంటారా లేదా అనేది చూస్తున్నారట.

ఎందుకంటే పవన్‌ కల్యాణ్‌ ప్రస్తుతం ఆంధ్రప్రదేశ్‌ రాజకీయాల్లో బిజీగా ఉన్నారు. ఎన్నికలు దగ్గరకు వస్తుండటంతో సినిమాలకు కాస్త దూరంగా ఉన్నారు. వరుసగా పొలిటికల్‌ మీట్‌లు జరుగుతున్నాయి. దీంతో మరి ఏడు, ఎనిమిది తేదీల్లో పవన్‌ బిజీగా ఉన్నారా లేక ఖాళీగా ఉంటారా అని చూస్తున్నారట. అన్నీ అనుకున్నట్లుగా జరిగితే సినిమా ప్రీ రిలీజ్‌ ఈవెంట్‌లో ఈ ముగ్గురినీ ఒకే వేదికపై చూడొచ్చు.

ఇక ‘గుంటూరు కారం’ సినిమా సంగతి చూస్తే… ఎన్నో వాయిదాల తర్వాత ఈ సినిమా ప్రారంభమైంది. కథలో మార్పులు చేసి మరీ సినిమాను వేగంగా సిద్ధం చేస్తున్నారు. అందుకే గతంలో చెప్పిన సంక్రాంతి డేట్‌ను పక్కాగా ఫాలో అవుతున్నారు. ఏం జరిగినా, ఎలాంటి పరిస్థితుల్లోనైనా సంక్రాంతి డేట్‌ను మిస్‌ కాకూడదని టీమ్‌ ప్లాన్‌ చేసి అనుకున్నట్లుగా షూటింగ్‌ పూర్తి చేసింది. ఇప్పుడు ప్రచారం కూడా షురూ చేసింది.

డెవిల్ సినిమా రివ్యూ & రేటింగ్!

బబుల్ గమ్ సినిమా రివ్యూ & రేటింగ్!
‘ఖైదీ నెంబర్ 786’ టు ‘ఠాగూర్’.. తెలుగులో రీమేక్ అయిన విజయ్ కాంత్ సినిమాల లిస్ట్..!