ఇజం సినిమా తర్వాత కళ్యాణ్ రామ్ హీరోగా నటించిన మూవీ ఎమ్మెల్యే. మంచి లక్షణాలున్న అబ్బాయి అనేది ట్యాగ్ లైన్. నిర్మాతగా నష్టాలను చవిచూసిన కళ్యాణ్ రామ్ కి “జై లవకుశ” లాభాలను తెచ్చి పెట్టింది. ఈ సారి హీరోగా నటించిన మూవీ కూడా లాభాలను తెచ్చిపెట్టిందని టాలీవుడ్ వర్గాల వారు తెలిపారు. రిలీజ్ కి ముందే భారీ ప్రీ రిలీజ్ బిజినెస్ జరిగినట్లు సమాచారం. ఉపేంద్ర మాధవ్ దర్శకత్వం వహించిన ఈ సినిమాను, ఈ నెల 23వ తేదీన ప్రపంచవ్యాప్తంగా విడుదల చేస్తున్నారు. ఇందులో కల్యాణ్ రామ్ కొత్తగా కనిపిస్తున్నారు.
ఎంతో ఉత్సాహంగా స్టెప్పులు వేశారు. కాజల్ మరింత గ్లామర్ గా కనిపిస్తోంది. ఈ సినిమా టీజర్, ట్రైలర్ చూస్తుంటే. ఓ వైపు నవ్వులు. మరో వైపు యాక్షన్. రెండూ సినిమాని హిట్ చేస్తాయని అనిపిస్తోంది. ఆ నమ్మకంతోనే పోటీ పడి సినిమా థియేట్రికల్ హక్కులు సొంతం చేసుకున్నారు. ఒక్క నైజామ్ లోనే ఈ సినిమా 4.2 కోట్లకు కొనుగోలు చేశారు. తెలుగు రాష్ట్రాల్లోనే కాకుండా ఓవర్సీస్ లో 5 కోట్లకు అమ్ముడవడం విశేషం. ప్రపంచవ్యాప్తంగా అన్ని హక్కులు కలుపుకొని 22 కోట్ల దగ్గర ప్రీ రీలీజ్ బిజినెస్ చేసినట్టు తెలిసింది. ఎక్కువ థియేటర్లలోనూ రిలీజ్ చేస్తున్నారు. సో కలక్షన్స్ కూడా భారీగానే వచ్చేటట్టు ఉందని ట్రేడ్ వర్గాల వారు తెలిపారు.
