VARANASI: ‘ఆదిపురుష్’ పాటను మరిపించేలా.. కీరవాణి కొత్త స్కెచ్! ఆ పాటపైనే ఫోకస్!

రాజమౌళి మహేష్ బాబు సినిమా అంటేనే అంచనాలు వేరే లెవెల్. ఇప్పుడు ఆ అంచనాలను ఇంకా పెంచేలా ఒక ఆసక్తికరమైన వార్త మ్యూజిక్ సిట్టింగ్స్ నుంచి బయటకు వచ్చింది. ఆస్కార్ విన్నర్ ఎం.ఎం. కీరవాణి ప్రస్తుతం ‘వారణాసి’ సినిమా కోసం ఒక పవర్ ఫుల్ డివోషనల్ సాంగ్ కంపోజ్ చేస్తున్నారట. అది సాక్షాత్తు శ్రీరాముడి మీద సాగే పాట అని తెలియడంతో ఫ్యాన్స్ అలర్ట్ అయ్యారు.

VARANASI

రాముడి పాట అనగానే ఈ మధ్య కాలంలో అందరికీ ఠక్కున గుర్తొచ్చేది ‘ఆదిపురుష్’ సినిమాలోని “జై శ్రీరామ్” సాంగ్. సినిమా ఫలితం డిజాస్టర్ అయినా, అజయ్  అతుల్ స్వరపరిచిన ఆ పాట మాత్రం దేశవ్యాప్తంగా ఒక ఊపు ఊపేసింది. థియేటర్లలో ఆ పాట వచ్చినప్పుడు ఆడియన్స్ పూనకంతో ఊగిపోయారు. గూస్ బంప్స్ తెప్పించే ఆ హై పిచ్ సాంగ్ ఒక బెంచ్ మార్క్ సెట్ చేసింది. ఇప్పుడు కీరవాణి ముందున్న అసలు సవాలు అదే.

ఆ ఇంపాక్ట్ ను దాటేలా, లేదా అంతకు మించేలా పాట ఇవ్వాలని కీరవాణి గట్టి పట్టుదలతో ఉన్నారట. రాజమౌళి సినిమాల్లో ఎమోషన్, ఎలివేషన్ ఏ రేంజ్ లో ఉంటాయో మనకు తెలుసు. ‘బాహుబలి’లో దండాలయ్యా, ‘ఆర్ఆర్ఆర్’లో కొమరం భీముడో పాటలు ఎంత పెద్ద హిట్టయ్యాయో చూశాం. ఇప్పుడు రాముడి పాట విషయంలోనూ అదే మ్యాజిక్ రిపీట్ చేయాలని కీరవాణి రేయింబవళ్లు కష్టపడుతున్నట్లు సమాచారం.

ఈ పాటలో లిరిక్స్, మ్యూజిక్ ఎంత ముఖ్యమో.. విజువల్ గా రాజమౌళి దాన్ని ఎలా చూపిస్తారన్నది కూడా అంతే ముఖ్యం. మహేష్ బాబు రాముడిగా కనిపిస్తారని ఇదివరకే క్లారిటీ ఇచ్చారు. ఇక ఇది బ్యాక్ గ్రౌండ్ లో వచ్చే బిట్ సాంగా? అనేది సస్పెన్స్. కానీ కీరవాణి ట్యూన్ మాత్రం నెక్స్ట్ లెవెల్ లో ఉంటుందని, వినగానే భక్తిభావంతో పాటు రోమాలు నిక్కబొడుచుకునేలా ఉంటుందని ఇన్ సైడ్ టాక్. ఆస్కార్ స్థాయి సంగీత దర్శకుడు కాబట్టి, ఆయన నుంచి ఏదో ఒక అద్భుతాన్ని ఆశించడంలో తప్పులేదు. ఈ పాట గనక క్లిక్ అయితే, ‘వారణాసి’ సినిమాకు సగం బలం వచ్చినట్లే.