రాజమౌళి కంట కన్నీరు తెప్పించిన కీరవాణి

తన సినిమాల్లో ఎమోషన్ సీన్లతో అందరి కంట కన్నీరు తెప్పించే రాజమౌళి కళ్లు చెమ్మగిల్లాయి. అందుకు కారణం కీరవాణి. అవును అన్నయ్యే తముడ్ని ఏడిపించారు. ఆ వివరాల్లోకి వెళితే… దర్శకధీరుడు ఎస్.ఎస్.రాజమౌళి తెరకెక్కించిన బాహుబలి కంక్లూజన్ ప్రీ రిలీజ్ వేడుక ఆదివారం హైదరాబాద్ లోని రామోజీ ఫిలిం సిటీలో అత్యంత వైభవంగా జరిగింది. ఈ వేదిపై బాహుబలి 2 కోసం శ్రమించిన ప్రతి టెక్నీషియన్ గురించి పాట రూపంలో కీరవాణి వివరించారు. అందులో భాగంగా మొదటగా జక్కన్న గురించి బాహుబలి మొదటి పార్ట్ లోని “ఎవ్వరంట.. ఎవ్వారంటా.. నిన్ను ఎత్తుకుంది”  అనే పాటకు రాజమౌళిని జోడించి పాడారు.

ఈ పాటను కీరవాణి ఆలపిస్తుండగా భావోద్వేగంతో జక్కన్న కళ్లు తుడుచుకుంటూ వేదికను ఎక్కి అన్న వద్దకు వెళ్లారు. అరుదైన ఈ సంఘటనను చూసిన అతిధులందరూ లేచి చప్పట్లతో  అన్నదమ్ముల అనుబంధాన్ని అభినందించారు. చిరాయువై యశష్షుతో విజయాలతో సాగిపోవాలని రాజమౌళిని  కీరవాణి ఆశీర్వదిస్తూ పాడిన పాట ప్రీ రిలీజ్ ఫంక్షన్లో ఓ హైలెట్ గా నిలిచింది.

Also, do SUBSCRIBE to our YouTube channel to get latest Tollywood updates.