Vijay Devarakonda: విజయ్ దేవరకొండ మరో న్యూ పాన్ ఇండియా మూవీ?

May 25, 2022 / 10:13 AM ISTByFilmy Focus

Join Us

Vijay Devarakonda: విజయ్ దేవరకొండ మరో న్యూ పాన్ ఇండియా మూవీ?

విజయ్ దేవరకొండ కూడా మిగతా స్టార్ హీరోల తరహాలోనే వరుసగా సినిమాలు చేయడానికి ఆసక్తి చూపిస్తున్న విషయం తెలిసిందే. ఇప్పటికే పూరి జగన్నాథ్ దర్శకత్వంలో లైగర్ సినిమా షూటింగ్ పూర్తి చేసుకుని అతని దర్శకత్వంలోనే మరొక సినిమా స్టార్ట్ చేశాడు. పూరి జగన్నాథ్ డ్రీమ్ ప్రాజెక్టు జనగణమన కూడా భారీ స్థాయిలో పాన్ ఇండియా ప్రాజెక్టుగా తెరకెక్కుతోంది. ఇక శివ నిర్వాణ దర్శకత్వంలో విజయ్ దేవరకొండ ఇటీవల ఖుషి అనే మరొక సినిమాను మొదలు పెట్టాడు.

ఆ సినిమాలో సమంత హీరోయిన్ గా నటిస్తోంది. అయితే విజయ్ దేవరకొండ లైనప్ లో మరొక దర్శకుడు కూడా చేరబోయే అవకాశం ఉన్నట్లుగా తెలుస్తోంది. చివరగా V సినిమాతో ఊహించనివిధంగా డిజాస్టర్ టాక్ ను సొంతం చేసుకున్న మోహన్ క్రిష్ణ ఇంద్రగంటి విజయ్ దేవరకొండతో పాన్ ఇండియా ప్రాజెక్టు ప్లాన్ చేస్తున్నట్లుగా తెలుస్తోంది. V సినిమాతో ఈ దర్శకుడు నిరాశ పరిచిన ప్పటికీ కూడా అంతకు ముందు అష్టా చమ్మా, జెంటిల్ మెన్, సమ్మోహనం ఇలా ఎన్నో విభిన్నమైన సినిమాలతో మంచి గుర్తింపు అందుకున్నాడు.

టాలీవుడ్ ఇండస్ట్రీలో అతనికి మంచి క్రేజ్ ఉంది. ఆ నమ్మకంతోనే విజయ్ అతనికి అవకాశం ఇచ్చినట్లు తెలుస్తోంది. దిల్ రాజు ప్రొడక్షన్ లోనే విజయ్ దేవరకొండ మోహన్ కృష్ణ ఇంద్రగంటి సినిమా తెరపైకి వచ్చే అవకాశం ఉన్నట్లు సమాచారం. ఈ ప్రాజెక్టుకు సంబంధించిన కథ కూడా సిద్ధమైనట్లు తెలుస్తోంది. విజయ్ దేవరకొండ కూడా దర్శకుడు చెప్పిన స్క్రిప్ట్ పై పూర్తి స్థాయిలో నమ్మకం గా ఉన్నట్లు సమాచారం. అసలైతే ఇదివరకే వీరి కలయికలో ఒక సినిమా రావాల్సింది.

కానీ ఇతర కమిట్మెంట్స్ కారణంగా కాంబినేషన్ సెట్ అవ్వలేదు. కానీ దిల్ రాజు వీరిద్దరిని కలిపి ఒక సినిమాకు శ్రీకారం చుడుతున్నారు. ఈ ప్రాజెక్ట్ పై త్వరలోనే ఒక క్లారిటీ వచ్చే అవకాశం ఉన్నట్లుగా కూడా తెలుస్తోంది. మరి ఇది ఎంత వరకు నిజం అవుతుందో చూడాలి.