చూస్తుంటే.. మోహన్ లాల్ తో కలిసి నటించడానికి నందమూరి హీరోలందరూ క్యూ కట్టినట్లున్నారు. అప్పట్లో “గాండీవం” చిత్రంలో బాలకృష్ణ ఒక స్పెషల్ సాంగ్ లో మోహన్ లాల్ తో స్టెప్పులేయించగా.. తాజాగా ఎన్టీయార్ “జనతా గ్యారేజ్” సినిమా కోసం మోహన్ లాల్ ను ఎరికోరి ప్రత్యేక పాత్రలో నటింపజేస్తున్నాడు. ఇప్పుడు ఈ జాబితాలో మరో నందమూరి కథానాయకుడు కూడా చేరాడు.
మోహన్ లాల్ ప్రధాన పాత్రలో చంద్రశేఖర్ ఏలేటి దర్శకత్వంలో తెరకెక్కుతున్న “మనమంతా” సినిమా ఆగస్ట్ 5న విడుదల కానుండగా.. ఇటీవల ఆ సినిమా ట్రైలర్ ను విడుదల చేశారు. సదరు ట్రైలర్ చూసిన వారిలో చాలా తక్కువమంది “అరె తారకరత్నలా ఉన్నాడు” అని నందమూరి హీరోను గుర్తుపట్టారు. ఇటీవల విలన్ గా మారిన తారకరత్న ఈ సినిమాలోనూ విలన్ లేదా నెగిటివ్ షేడ్ ఉన్న క్యారెక్టర్ ప్లే చేస్తున్నాడా? లేక పాజిటివ్ రోలా అనేది తెలియాల్సి ఉంది. ఏదేమైనా మళ్ళీ కాస్త బిజీ అవుతున్న తారకరత్న కెరీర్ ఇలాగే కంటిన్యూ అవ్వాలని కోరుకొందాం!
Home