అనుష్క ‘భాగమతి’ లో జాతీయ స్థాయి నటుడు..!

అనుష్క టైటిల్ పాత్రలో “భాగమతి” అనే సినిమా ఇటీవల ప్రారంభమైన విషయం తెలిసిందే. “పిల్ల జమిందార్” ఫేం అశోక్ దర్శకత్వంలో యువి క్రియేషన్స్ సంస్థ ఈ చిత్రాన్ని నిర్మిస్తోంది. జూన్ లేదా జూలై నెలలో రెగ్యులర్ షూటింగ్ మొదలుకానున్న ఈ చిత్రం కోసం నటీనటుల ఎంపిక జరుగుతోంది.

తాజా సమాచారం ప్రకారం.. ఉత్తమ నటుడిగా జాతీయ అవార్డు అందుకొన్న “జయరామ్”ను “భాగమతి” చిత్రంలో ఓ కీలకపాత్ర కోసం ఎంపిక చేసినట్లు తెలుస్తోంది. తమిళ, మలయాళ భాషల్లో ఇప్పటివరకూ దాదాపుగా 200 చిత్రాల్లో నటించిన జయరామ్ కు తెలుగులో ఇదే మొదటి చిత్రం కావడం విశేషం!