Mrunal Thakur: బాబోయ్ మృణాల్ ఠాకూర్ మామూలుగా కష్టపడటం లేదుగా !

బాలీవుడ్ బ్యూటీ మృణాల్ సీతారామం సినిమాతో యావత్ తెలుగు ప్రేక్షకులను తన మాయలో పడేసింది. ఆ సినిమాలో సీతామహాలక్ష్మిగా తన నటనకు ఫిదా కానీ వారంటూ ఉండరు. ఈ బ్యూటీ తన కెరీర్ లో ఎన్ని సినిమాలు చేసినా సీత పాత్ర మాత్రం కల్ట్ క్లాసిక్ గా అలాగే నిలిచిపోతుందంటే అతిశయోక్తి కాదు. అంతలా మనసు దోచేసింది కాబట్టే మృణాల్ ను తెలుగు ప్రేక్షకులు మళ్లీ మళ్లీ తెరపై చూడాలనుకుంటున్నారు. అభిమానులు కోరితే నిర్మాతలు మాత్రం కాదంటారా ఏంటి. ఈ బ్యూటీకి ఉన్న క్రేజ్ చూసి మేకర్స్ ఈ భామకు అవకాశాలు ఇచ్చేస్తున్నారు.

సీతారామం తర్వాత ఈ భామ నేచురల్ స్టార్ నాని సినిమాలో ఛాన్స్ కొట్టేసింది. ఓవైపు నేచురల్ స్టార్.. మరోవైపు సీతామాలక్ష్మీ.. ఈ ఇద్దరు కలిసి నటిస్తే ఇక ఉంటుంది.. ఆహా.. ఊహించడానికే అద్భుతంగా ఉంది కదా. కానీ ఈ సినిమా రావాలంటే కొన్నాళ్లు వేచి చూడాల్సిందే. ఈ సినిమా పూజా కార్యక్రమం జరగ్గానే మృణాల్ ఎన్టీఆర్ సినిమాలో కూడా ఛాన్స్ కొట్టేసినట్లు వార్తలు వచ్చాయి. దీని గురించి మాత్రం ఇంకా అధికారిక ప్రకటన రాలేదు. ఏదైతేనం మృణాల్ టాలెంట్ ను టాలీవుడ్ కరెక్ట్ గానే యూజ్ చేసుకుంటుదన్న మాట.

ఈ భామ బాలీవుడ్ లోనూ వరుస పెట్టి సినిమాలు చేస్తోంది. టాలెంట్ కు ప్లాట్ ఫామ్ చిన్నదైనా పెద్దదైనా పర్వాలేదంటూ ఈ బ్యూటీ డిజిటల్ ప్లాట్ ఫామ్ లోనూ తన సత్తా చూపిస్తోంది. ఓవైపు బాలీవుడ్ మూవీస్.. మరోవైపు సౌత్ ఇండియా సినిమాలు.. ఇంకోవైపు సిరీస్ లతో ప్రస్తుతం మృణాల్ సూపర్ బిజీ అయిపోయింది. ఈ నేపథ్యంలో ఈ భామకు ప్రఖ్యాత కేన్స్ ఫిల్మ్ ఫెస్టివల్ నుంచి ఆహ్వానం అందింది. ఇంకేం కేన్స్ లోనూ ఈ బ్యూటీ రెడ్ కార్పెట్ పై సందడి చేసి తన హవా చూపించింది.

ఇక కేన్స్ నుంచి ఇండియాకు వచ్చిన మృణాల్ (Mrunal Thakur) తన రొటీన్ లైఫ్ లో బిజీ అయిపోయింది. ఇన్ని రోజులు బిజీగా ఉండి ఫిట్ నెస్ ను కాస్త అశ్రద్ధ చేసిన ఈ బ్యూటీ.. ఇండియా రాగానే జిమ్ లో వాలిపోయింది. ఇక జిమ్ లో బీభత్సమైన కసరత్తులు చేస్తూ తన బాడీని ఫిట్ గా ఉంచుకునేందుకు తెగ కష్టపడుతోంది. ఈ బ్యూటీ ఫిట్ నెస్ ట్రైనర్ కూడా చాలా స్ట్రిక్ట్ గా ఉన్నాడు. ప్రస్తుతం జిమ్ లో మృణాల్ కసరత్తులతో కుస్తీ పడుతున్న వీడియో సోషల్ మీడియాలో వైరల్ అవుతోంది.

 

View this post on Instagram

 

A post shared by Mrunal Thakur (@mrunalthakur)

మేమ్ ఫేమస్ సినిమా రివ్యూ & రేటింగ్!
సత్తిగాని రెండెకరాలు సినిమా రివ్యూ & రేటింగ్!

మళ్ళీ పెళ్లి సినిమా రివ్యూ & రేటింగ్!
‘డాడీ’ తో పాటు చిరు – శరత్ కుమార్ కలిసి నటించిన సినిమాల లిస్ట్..!