‘సీతారామం’ సినిమాలో మృణాల్‌ ఠాకూర్‌ను చూసి.. భలేగుందే బాలా అని అనుకున్నారంతా. చాలా నేచురల్‌గా నటిస్తోంది, మన నేచురల్‌ స్టార్‌ పక్కన కూడా నటిస్తే బాగుండు అని కూడా అనుకున్నారు కొంతమంది. అలా అనుకున్నవాళ్లకు గుడ్‌ న్యూస్‌.. మీరు అనుకున్నట్లే నేచురల్‌ స్టార్‌తో మన కొత్త సీత నటించబోతోంది. కొత్త సంవత్సరం సందర్భంగా ఈ సినిమాను ఘనంగా అనౌన్స్‌ చేస్తారట. కొత్త ఏడాది ప్రారంభం రోజున తన కొత్త సినిమాని ప్రకటించనున్నాడు నాని. అందులోనే మృణాల్‌ ఠాకూర్‌ నటిస్తోందని సమాచారం.
నాని కథానాయకుడిగా తెరకెక్కనున్న 30వ సినిమాను వైరా ఎంటర్‌టైన్‌మెంట్స్‌ రూపొంఇస్తోంది. మోహన్‌ చెరుకూరి (సి.వి.ఎం), డా.విజయేందర్‌రెడ్డి తీగల, మూర్తి.కె.ఎస్‌ సంయుక్తంగా నాని కొత్త సినిమాను నిర్మిస్తున్నారు. ఆ సినిమాలో నాని సరసన కథానాయికగా మృణాల్‌ ఠాకూర్‌ ఎంపికైనట్టు తెలిసింది. ‘సీతారామం’ సినిమాతో తెలుగు ప్రేక్షకుల్ని అలరించింది మృణాల్‌. సీతామహాలక్ష్మి పాత్రలో అందంతో, అభినయంతో ఆకట్టుకుంది. ఆ సినిమా తర్వాత కొత్త సినిమాలేవీ అంగీకరించలేదు.
దీంతో మృణాల్‌ వచ్చిన క్రేజ్‌ను వాడుకొని వరుస సినిమాలు చేయడం లేదేంటబ్బా అని కొంతమంది అనుకున్నారు. ఈ మాటలకు ఫుల్‌ స్టాప్‌ పెడుతూ మృణాల్‌ కొత్త సినిమాను సైన్‌ చేసేసింది అంటున్నారు. నాని హీరోగా తెరకెక్కబోయే ఈ సినిమాను ఓ కొత్త దర్శకుడు హ్యాండిల్‌ చేస్తారట. జనవరి 1న నాని 30వ సినిమా ప్రపంచాన్ని ఆవిష్కరిస్తున్నట్టు టీమ్‌ ఘనంగా చెప్పింది. మరి ఆ రోజు హీరోయిన్‌ సంగతి కూడా చెబుతారా లేదా అనేది చూడాలి.
ఇక నాని ప్రస్తుతం ‘దసరా’ చిత్రంలో నటిస్తున్నారు. కీర్తి సురేశ్‌ హీరోయిన్‌గా నటిస్తున్న సినిమాను పాన్‌ ఇండియా లెవల్‌లో రిలీజ్ చేస్తున్నారు. అలా ఈ కొత్త సినిమాను కూడా పాన్‌ ఇండియా వైబ్‌లో రిలీజ్ చేయడానికే మృణాల్‌ను ఎంచుకున్నారు అనే మాట కూడా వినిపిస్తోంది. చూద్దాం ఆ సినిమా ఏంటో, కథేంటో, దర్శకుడు ఎవరో. వచ్చే ఏడాదే ఈ విషయం తెలిసిపోతుంది.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
