ఆర్.ఆర్.ఆర్ సెట్స్ లోకి ఆలియా అడుగుపెట్టబోయేది అప్పుడే

ఆర్.ఆర్.ఆర్ సినిమాలో రామ్ చరణ్ సరసన ఆలియా భట్ కథానాయిక అనే విషయం అందరికీ తెలిసిందే. అయితే.. “ఆర్.ఆర్.ఆర్” సెట్స్ కు వెళ్ళినప్పట్నుంచి.. ఆలియా షూటింగ్ లో ఎప్పుడు జాయిన్ అవుతుంది అనే ప్రశ్నకు సమాధానం మాత్రం దొరకలేదు. దాంతో ఆలియా భట్ ఫ్యాన్స్ మరియు ఆర్.ఆర్.ఆర్ ఫ్యాన్స్ అందరూ వెయిట్ చేస్తున్నారు.

వాళ్ళ కోసమే ఈ కొత్త అప్డేట్. ప్రస్తుతం బాలీవుడ్ మోస్ట్ వాంటెడ్ హీరోయిన్ అయిన ఆలియా భట్ “ఆర్.ఆర్.ఆర్”కోసం జూలై నుంచి ఆగస్ట్ వరకూ 20 రోజుల డేట్స్ కేటాయించిందట. ఈమేరకు జూలై నెలాఖరుకు హైద్రాబాద్ రానుంది ఆలియా. అల్లూరి సీతారామరాజు సతీమణి సీతగా నటించనున్న ఆలియా.. ఆగస్ట్ వరకూ టాకీ పార్ట్ పూర్తి చేసుకొని.. అనంతరం చిత్రీకరించాల్సిన రెండు పాటల కోసం అక్టోబర్ లేదా నవంబర్ లో డేట్స్ కేటాయించే అవకాశాలున్నాయి.