మహేష్‌బాబు – రాజమౌళి కాంబినేషన్‌లో అభిమానులు ఎన్నో ఏళ్లుగా వెయిట్‌ చేస్తున్నారు. ఇదిగో అదిగో అంటూ చాలా సార్లు పుకార్లు వచ్చినా ఆ డేట్స్‌ ఏవీ వర్కవుట్‌ కాలేదు. నిర్మాత ఫిక్స్‌, హీరో ఫిక్స్‌, డైరక్టర్ ఫిక్స్‌, ఇతర నటీనటులు తప్ప మిగిలిన టీమ్ అంతా ఫిక్స్‌. కానీ సినిమా మొదలు కావడం లేదు. అయితే ఈ వెయింటింగ్‌కి త్వరలో ఎండ్ కార్డు పడనుంది. మొన్నీమధ్య సినిమాను అధికారికంగా అనౌన్స్‌ చేసి చర్చలకు కామా పెట్టిన టీమ్.. ఇప్పుడు కొబ్బరికాయ కొట్టేసి ఫుల్‌స్టాప్‌ పెడదాం అనుకుంటోంది.
అవును, మహేష్ (Mahesh Babu) – జక్కన్న సినిమాకు కొబ్బరికాయ కొట్టడానికి ముహూర్తం ఫిక్స్‌ చేసేశారు అని టాక్‌. మార్చిలో ఈ సినిమాను పూజా కార్యక్రమాలతో లాంఛనంగా ప్రారంభించాలని నిర్మాత కేఎల్‌ నారాయణ అనుకుంటున్నారట. అయితే గతంలో ఇలాంటి వార్తలు ఎక్కువగానే వచ్చిన నేపథ్యంలో తాజా వార్తల్లో వాస్తవం ఎంతో తేలాల్సి ఉంది. ఆఫ్రికా బ్యాక్‌ డ్రాప్‌ లో అడ్వెంచర్ థ్రిల్లర్‌గా సాగే ఈ సినిమాలో హీరోయిన్‌గా రామ్‌చరణ్‌ డిజాస్టర్‌ భామను తీసుకుందాం అనుకుంటున్నారట.
మామూలుగానే విజయేంద్రప్రసాద్‌ రాసే కథల్లో కథలో హీరోయిన్ పాత్ర కీలకంగా ఉంటుంది. ఏదో సందర్భంలో కథను మలుపు తిప్పేది ఆ పాత్రనే. అలాంటి కీలకమైన పాత్రకు ప్రియాంక చోప్రాను తీసుకోవాలని రాజమౌళి అండ్‌ కో. అనుకుంటున్నారట. అన్నీ అనుకుంటున్నట్లుగా జరిగితే ఈ విషయాన్ని సినిమా ప్రారంభం నాడు అధికారికంగా ప్రకటిస్తారట. ఆమెనే తీసుకొచ్చి సినిమాను ప్రారంభించినా ఆశ్చర్యపోనక్కర్లేదు. త్వరలో ఈ విషయంలో క్లారిటీ వచ్చేస్తుంది.
రామ్‌చరణ్‌ ప్రధాన పాత్రలో హిందీ – తెలుగులో రూపొందిన ‘జంజీర్‌’ / ‘తుఫాన్‌’లో ప్రియాంక చోప్రా నటించిన విషయం తెలిసిందే. ఆ సినిమాకు సరైన విజయం దక్కలేదు. దీంతో ఆ కాంబోపై విమర్శలు కూడా వచ్చాయి. అయితే ఇప్పుడు ప్రియాంక గ్లోబల్‌ స్టార్ అయిపోయింది. ఈ సమయంలో మహేష్‌తో సినిమా అంటే… ఆ సినిమాకు ఆటోమేటిగ్గా గ్లోబల్‌ అప్పీల్ వచ్చేస్తుంది. అందుకుతోడు ఆ రేంజి సినిమాలకు హీరోయిన్ ఆ స్టార్ స్టేటస్‌ కావాల్సిందే అని కూడా అనుకుంటున్నారట.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home