Murari: రీరిలీజ్ లో అదిరిపోయే రికార్డ్స్ క్రియేట్ చేస్తున్న్ మురారి.. ఏమైందంటే?

మహేష్ బాబు (Mahesh Babu) కృష్ణవంశీ (Krishna Vamsi)  కాంబినేషన్ లో తెరకెక్కిన మురారి  (Murari) మూవీ అప్పట్లో ఏ స్థాయిలో సంచలనాలు సృష్టించిందో ప్రత్యేకంగా చెప్పాల్సిన అవసరం లేదు. ఎన్నో ప్రత్యేకతలతో తెరకెక్కిన మురారి అప్పటి ప్రేక్షకులకు ఎంతగానో నచ్చింది. ఈ సినిమాలో కథ, కథనం కొత్తగా ఉండటంతో పాటు ట్విస్టులు సైతం ప్రేక్షకులను మెప్పించే విధంగా ఉన్నాయి. అయితే రీరిలీజ్ బుకింగ్స్ లో మురారి రికార్డ్స్ క్రియేట్ చేస్తుండటం సోషల్ మీడియా వేదికగా హాట్ టాపిక్ అవుతోంది.

బుక్ మై షోలో ఒక్కరోజులోనే మురారి రీరిలీజ్ టికెట్లు ఏకంగా 4000 టికెట్లు అమ్ముడయ్యాయని సమాచారం అందుతోంది. రీరిలీజ్ బుకింగ్స్ లో ఇది ఒక రికార్డ్ అని తెలుస్తోంది. హైదరాబాద్ లో అడ్వాన్స్ సేల్స్ తో మురారి సినిమా ఏకంగా 50 లక్షల రూపాయల వరకు కలెక్షన్లను సాధించడం గమనార్హం. మురారి రీరిలీజ్ కోసం ఫ్యాన్స్ ఎంత ఆసక్తిగా ఎదురుచూస్తున్నారో ఈ బుకింగ్స్ ద్వారా అర్థమవుతోంది.

మురారి రీరిలీజ్ టోటల్ కలెక్షన్లు ఏ రేంజ్ లో ఉండనున్నాయో చూడాల్సి ఉంది. సూపర్ స్టార్ మహేష్ బాబు సినిమాలేవీ మరో మూడేళ్ల వరకు రిలీజ్ అయ్యే పరిస్థితి లేకపోవడంతో ఫ్యాన్స్ సైతం రీరిలీజ్ సినిమాలపై మాత్రమే ఆధారపడుతున్న పరిస్థితి నెలకొంది. మహేష్ రాజమౌళి కాంబో మూవీకి సంబంధించిన అప్ డేట్స్ రావడానికి మాత్రం చాలా సమయం పట్టే అవకాశాలు అయితే ఉన్నాయని తెలుస్తోంది.

సూపర్ స్టార్ మహేష్ బాబు ఒకవైపు రాజమౌళి (Rajamouli) సినిమాతో మరోవైపు పలు యాడ్స్ లో నటిస్తూ కెరీర్ పరంగా బిజీగా ఉన్నారు. సూపర్ స్టార్ మహేష్ బాబు కెరీర్ పరంగా భారీ విజయాలను అందుకోవాలని ఫ్యాన్స్ కోరుకుంటున్నారు. మహేష్ బాబు క్రేజ్, ఫ్యాన్ ఫాలోయింగ్ అంతకంతకూ పెరుగుతుండగా రాజమౌళి సినిమాతో మహేష్ బాబు ఏ స్థాయిలో సంచలనాలు సృష్టిస్తారో చూడాల్సి ఉంది.