యువ సామ్రాట్ అక్కినేని నాగ చైతన్య, సమంత పెళ్లి చేసుకోబోతున్నారా ? లేదా? గత రెండు నెలలుగా అందరినీ ఉడికించిన ప్రశ్న ఇది. ఈ ప్రేమ పక్షులు మీడియా కంటికి తరచూ చిక్కుతుండడంతో ఈ విషయంపై చర్చ ఎక్కువైంది. అందుకు తగ్గట్టు సమంత సోషల్ మీడియాలో రోజుకో స్టేట్ మెంట్ ఇస్తూ అభిమానులను మరింత కన్ఫ్యూజ్ చేసింది. మొన్నటి వరకు అక్కినేని కుటుంబం వాళ్లు ఈ విషయం పై పెదవి విప్పలేదు. అక్కినేని నాగార్జున సైతం తన పెద్ద కొడుకు నాగ చైతన్యకు త్వరలో పెళ్లి చేయబోతున్నానని చెప్పాడు కానీ, పెళ్లి కూతురు ఎవరు అనేది చెప్పకుండా దాట వేసాడు.
గురువారం అఖిల్ నిశ్చితార్ధ వేడుక గురించి వెల్లడించే సమయంలోనాగ్ తన పెద్ద కోడలు ఎవరో చెప్పాల్సిన పరిస్థితి ఏర్పడింది. తమ ఇంటి పెద్ద కోడలు సమంత అని పాత్రికేయులకు స్పష్టం చేశారు. “సమంతను పెళ్లి చేసుకోవాలని చైతన్య నిర్ణయించుకున్నప్పుడు నాకు చెప్పాడు. చైతు నిర్ణయానికి నేను చాలా హ్యాపీ. అయితే పెళ్లి చేసుకోవడానికి కొంత టైం అడిగాడు. అతను ఎప్పుడు పెళ్లి చేయమంటే అప్పుడు చేస్తా ’’ అని నాగార్జున చెప్పారు.
