నేను తప్పు చేస్తే వారు ఒప్పుకోరు : సమంత

మనల్ని అభిమానించే వారు ఎంత మంది ఉన్నా.. నిజాయితీగా ఉండే స్నేహుతులు కొందరైనా ఉండాలని చెబుతోంది సమంత. ఈ బ్యూటీ నటించిన తాజా చిత్రం “అ..ఆ” సమ్మర్ హిట్ గా నిలిచింది. ఈ సినిమాలో అనసూయగా ఆకట్టుకుంది. ఈ సందర్భంగా సమంత మాట్లాడుతూ తన విజయం వెనుక స్నేహితుల సహకారం కూడా ఉందని చెప్పింది.

“నాకు స్నేహితులు చాలా తక్కువ మంది ఉన్నారు. వారంతా నాతో నిజాయితీగా ఉంటారు. నేను తప్పు చేస్తే వారు ఒప్పుకోరు. ఏదైనా సీన్లో బాగా నటించకుంటే వెంటనే నాకు చెబుతారు. వారి వల్లే నేను ఎన్నో నేర్చుకొన్నా.. నాలో ఆత్మవిశ్వాసం పెంచేదీ వాళ్లే. నా బలమూ వాళ్లే’’ అని తన విజయ రహస్యాన్ని బయట పెట్టింది. సమంత ప్రస్తుతం యంగ్ టైగర్ ఎన్టీఆర్ జనతా గ్యారేజ్ సినిమాలో నటిస్తోంది. కొరటాల శివ దర్శకత్వంలో రూపుదిద్దుకుంటున్నఈ చిత్రం ఆగస్టు లో రిలీజ్ కానుంది. ఈ మూవీతో మరో హిట్ ను సొంతం చేసుకోవడం ఖాయమని ధీమాగా ఉంది.