నాగార్జున హీరోగా విజయ్ బిన్నీ దర్శకత్వంలో ‘నా సామి రంగ’ అనే మాస్ మూవీ రూపొందుతున్న సంగతి తెలిసిందే. ‘శ్రీనివాసా సిల్వర్ స్క్రీన్స్’ బ్యానర్ పై శ్రీనివాసా చిట్టూరి ఈ చిత్రాన్ని నిర్మిస్తున్నారు. పవన్ కుమార్ సమర్పకులు. ఈ సినిమాలో నాగార్జునతో పాటు అల్లరి నరేష్, రాజ్ తరుణ్ కూడా నటిస్తున్నారు. టీజర్ అదిరింది. జనవరి 14న రిలీజ్ కాబోతున్న ఈ సినిమాకి సంబంధించి ట్రైలర్ ని కొద్దిసేపటి క్రితం విడుదల చేశారు మేకర్స్.
ఈ ట్రైలర్ 2 నిమిషాల 33 సెకన్ల నిడివి కలిగి ఉంది. నాగార్జున, అల్లరి నరేష్ పాత్రలను పరిచయం చేస్తూ ట్రైలర్ ప్రారంభమైంది. తర్వాత రాజ్ తరుణ్ ఎంట్రీ ఇచ్చాడు. ఆ వెంటనే హీరోయిన్ల పాత్రలు కూడా పరిచయం చేశారు. ముగ్గురు హీరోలతో హీరోయిన్ల లవ్ ట్రాక్ లు ఎలా ఉంటాయో కూడా చూపించారు. అటు తర్వాత విలన్ లను పరిచయం చేసి మాస్ యాంగిల్ లోకి టర్న్ తీసుకున్నారు.
నాగార్జున యాక్షన్ ఎపిసోడ్స్ లో తన గ్రేస్ ని చూపించారు. భోగి, సంక్రాంతి, కనుమ పండుగా రోజుల్లో జరిగే కథ ఇది అని స్పష్టమవుతుంది. గ్రామీణ వాతావరణంలో జాతర సెటప్ వంటివి కూడా ట్రైలర్లో చూపించి సంక్రాంతి పండుగకి తగ్గ మూవీ ఇది అని క్లారిటీ ఇచ్చారు. ట్రైలర్ అయితే బాగుంది. నాగార్జునకి ఈ మూవీ కం బ్యాక్ ఇచ్చేలా ఉంది అని చెప్పాలి. మీరు కూడా ఓ లుక్కేయండి :
Home