‘నన్ను దోచుకుందువటే’ చిత్రంతో హీరోయిన్ గా ఎంట్రీ ఇచ్చింది నభా నటేష్. ఆ చిత్రం పెద్దగా ఆడకపోయినా ఈమె నటనకు మాత్రం మంచి మార్కులే పడ్డాయి. తరువాత పూరి జగన్నాథ్ డైరెక్షన్లో వచ్చిన బ్లాక్ బస్టర్ చిత్రం ‘ఇస్మార్ట్ శంకర్’ సినిమాలో కూడా హీరోయిన్ గా నటించింది. ఈ చిత్రంలో కూడా ఈమె పాత్ర కీలకం అనే చెప్పాలి. నిజానికి ‘గజిని’ సినిమాలో ఆశిన్ రేంజ్ పాత్రను ఈమెకు ఇచ్చాడు పూరి. ‘ఇస్మార్ట్ శంకర్’ చిత్రం నభాకు క్రేజ్ తెచ్చిపెట్టిందనే చెప్పాలి.
దీంతో ఆమెకు మంచి ఆఫర్లే వస్తున్నాయి. ప్రస్తుతం సాయి తేజ్ హీరోగా తెరకెక్కుతోన్న ‘సోలో బ్రతుకే సో బెటర్’ చిత్రంలో హీరోయిన్ గా నటిస్తుంది నభా. ఇదిలా ఉండగా.. తాజాగా నభా నటేష్ కు ఎన్టీఆర్ సినిమాలో అవకాశం వచ్చిందని టాక్ వినిపిస్తుంది. వివరాల్లోకి వెళితే.. ఎన్టీఆర్, త్రివిక్రమ్ కాంబినేషన్లో తెరకెక్కుతోన్న చిత్రంలో సెకండ్ హీరోయిన్ గా నభా నటేష్ కు ఛాన్స్ వచ్చిందట. ఎన్టీఆర్ వంటి స్టార్ హీరో.. త్రివిక్రమ్ వంటి స్టార్ డైరెక్టర్ సినిమాలో.. సెకండ్ హీరోయిన్ ఛాన్స్ రావడం అంటే మామూలు విషయం కాదు.
అయితే త్రివిక్రమ్ సినిమాలో సెకండ్ హీరోయిన్ గా చేసిన ఏ హీరోయిన్ కు కలిసి రాదనే సెంటిమెంట్ ఉంది. పార్వతీ మిల్టన్,ప్రణీత, నిత్య మేనన్,అనుపమ పరమేశ్వరన్, అను ఇమ్మాన్యుయల్,ఈషా రెబ్బా.. ఇక తాజాగా నివేదా పేతురాజ్ వంటి క్రేజీ హీరోయిన్ కు కూడా అవకాశాలు లేవు. ఈ సెంటిమెంట్ పరంగా చూసుకుంటే.. నభా నటేష్ కు ఈ ఆఫర్ వరమో? శాపమో..? మరి..!
Most Recommended Video
పెంగ్విన్ సినిమా రివ్యూ & రేటింగ్
మీ అభిమాన తారల, అరుదైన పెళ్లి పత్రికలు
ఐశ్వర్యవంతులను పెళ్లి చేసుకున్న అందమైన హీరోయిన్స్!
