Kalki 2898 AD: నాగ్ అశ్విన్ వ్యాఖ్యలతో అనంత్ శ్రీరామ్ రెచ్చిపోడు కదా..!

ప్రభాస్, నాగ్ అశ్విన్ కలయికలో రూపొందిన ‘కల్కి 2898 AD'(Kalki 2898 AD) సినిమా భారీ విజయం సాధించింది. 2024 జూన్ 27న రిలీజ్ అయిన ఈ సినిమా తెలుగు రాష్ట్రాల్లోనే కాదు… ప్రపంచవ్యాప్తంగా సంచలనం సృష్టించింది. అయితే ఈ సినిమా క్లైమాక్స్ పై చాలామంది విమర్శలు గుప్పించారు. ‘అర్జునుడు కంటే కర్ణుడు.. ఏ విషయంలో గొప్ప’ అంటూ పెద్ద పెద్ద డిబేట్లు పెట్టుకున్నారు. ఇంకొంతమంది అయితే.. నాగ్ అశ్విన్ మహాభారతాన్ని  వక్రీకరించాడని, మరోరకంగా కృష్ణుడిని అవమానించాడని పేర్కొన్నారు.

Kalki 2898 AD

మిగిలిన వారి సంగతి ఎలా ఉన్నా? లిరిసిస్ట్ అనంత్ శ్రీరామ్ మాత్రం ఛాన్స్ దొరికిన ప్రతిసారి ‘కల్కి 2898AD’ క్లైమాక్స్ పై మండిపడుతున్న సందర్భాలు చూస్తూనే ఉన్నాం. డైరెక్టర్ నాగ్ అశ్విన్ వాస్తవాల్ని వక్రీకరించారని, ‘వ్యాసుడు, వాల్మీకి రాసిందే భారతం, రామాయణం అని…! మనం క్రియేట్ చేసిన పాత్రలు కాదని, అందులో చెప్పినట్లు కాకుండా వేరేగా ప్రవర్తించడానికి వీల్లేదని అనంత్ శ్రీరామ్ మండిపడ్డారు.రోల్స్ ఎలివేషన్స్ కోసం ఉపమానం మార్చొచ్చు కానీ వాస్తవాన్ని మార్చకూడదని హితవు పలికాడు.

అర్జునుడి కంటే గొప్ప వీరుడు(కర్ణుడు) ఉండడమేంటి? అందులో నిజం లేదు. సీక్వెల్‌లో ఏం చూపించినా నాకు అనవసరం. మొదటి భాగంతోనే ఇతిహాసంలో ఉన్న దాన్ని వక్రీకరించడం మొదలెట్టారు. అర్జునుడి రథం పది అడుగులు వెనక్కి వెళ్లడం ఏంటి? ఇతిహాసాల్లో ఎక్కడా ఇలా రాసి లేదు.. అంటూ అనంత్ శ్రీరామ్ రాసుకొచ్చాడు. అయితే ఈ కామెంట్స్ పై దర్శకుడు నాగ్ అశ్విన్ రియాక్ట్ అయ్యింది లేదు. కానీ ‘లెనిన్’ సినిమాని ప్రశంసిస్తూ కొందరు నెటిజెన్లు ‘కర్ణుడి పాత్రని ఎలా తీశారో చూసి నేర్చుకో నాగ్ అశ్విన్’ అంటూ కామెంట్లు పెట్టారు.

దీనికి నాగ్ అశ్విన్ స్ట్రాంగ్ కౌంటర్ ఇచ్చాడు.  ‘ద్రోణ వధ పర్వంలో శ్రీకృష్ణుడు అర్జునుడి వద్ద కర్ణుడి గొప్పతనం గురించి స్వయంగా వివరించాడు. దయచేసి మరోసారి మహాభారతం చదవండి. వివేక్ డిబ్రాయ్ చదవాలని నేను మీకు రిఫర్ చేస్తున్నాను. ఒకవేళ మీకు చదవడం రాకపోతే.. ‘శ్రీకృష్ణుడు అర్జునుడితో మాట్లాడేటప్పుడు కర్ణుడిని ఎన్నిసార్లు ప్రశంసించాడు’ అని గూగుల్‌ చేయండి. మన చరిత్ర పట్ల నాకు అపారమైన గౌరవం ఉంది.

నేనేం చేస్తున్నానో నాకు తెలుసు. కల్కి పార్ట్‌-2 కోసం ఎదురుచూడండి’ అంటూ నాగ్ అశ్విన్ స్పందించాడు. అంతేకాదు వివేక్ డిబ్రాయ్ రాసిన మహాభారతంలోని ఒక పేజీని కూడా షేర్ చేశాడు. ఒక రకంగా నాగ్ అశ్విన్ ఇలా స్పందించింది అనంత్ శ్రీరామ్ ని ఉద్దేశించే అని చెప్పాలి. అయితే నాగ్ అశ్విన్ ఏమీ మాట్లాడకుండానే అంత రెచ్చిపోయిన అనంత్ శ్రీరామ్.. ఇప్పుడు సైలెంట్ గా ఉంటాడా? అనేది మిలియన్ డాలర్ల ప్రశ్న.

‘రావు బహదూర్’ ని ఇంకా లేపడం ఎందుకు?