ప్రభాస్ (Prabhas) నాగ్ అశ్విన్ (Nag Ashwin) కాంబోలో తెరకెక్కిన కల్కి 2898 ఏడీ (Kalki 2898 AD) మూవీ మరీ భారీ స్థాయిలో ప్రమోషన్స్ చేయకపోయినా ఈ సినిమా మరికొన్ని గంటల్లో 1000 కోట్ల రూపాయల క్లబ్ లో చేరనుంది. కల్కి సినిమాలో కమల్ హాసన్ (Kamal Haasan) కనిపించింది కేవలం 7 నిమిషాలు మాత్రమే అయినా ఆ 7 నిమిషాలు అద్భుతమైన నటనతో కమల్ హాసన్ మెప్పించారు. నాగ్ అశ్విన్ ఈ సినిమా ప్రమోషన్స్ లో మాట్లాడుతూ ఆసక్తికర వ్యాఖ్యలు చేశారు.
కల్కి సినిమా క్లైమాక్స్ లో కమల్ హాసన్ విల్లు పట్టుకునే సీన్ లో ఒక ఫోజ్ పెట్టగా ఆ ఫోజ్ సినిమాకు హైలెట్ గా నిలిచింది. ఆ ఫోజ్ ఐడియా కమల్ గారిదే అని నాగ్ అశ్విన్ చెప్పగా ఆ విషయాలు సోషల్ మీడియా వేదికగా వైరల్ అవుతున్నాయి. కమల్ హాసన్ ఎంతో టాలెంటెడ్ అని ఇప్పటికే చాలా సందర్భాల్లో ప్రూవ్ అయిన సంగతి తెలిసిందే. కమల్ హాసన్ రెమ్యునరేషన్ ఒకింత భారీ రేంజ్ లో ఉంది.
కల్కి 2898 ఏడీ షోలు వీక్ డేస్ లో ఫుల్ అవుతుండటం గమనార్హం. ఈ వీకెండ్ లో కూడా కల్కి మూవీ అదరగొట్టడం గ్యారంటీ అని అభిప్రాయాలు వ్యక్తమవుతున్నాయి. కల్కి 2898 ఏడీ సీక్వెల్ మూవీ బడ్జెట్ కూడా మరింత ఎక్కువగా ఉండే అవకాశాలు అయితే ఉన్నాయని చెప్పవచ్చు. కల్కి 2898 ఏడీలో చిన్న పాత్రలో నటించిన నటీనటులకు సైతం మంచి పేరు వచ్చిందనే సంగతి తెలిసిందే.
కల్కి 2898 ఏడీ ప్రేక్షకులకు కొత్త తరహా అనుభూతిని కలిగించిందని ప్రత్యేకంగా చెప్పాల్సిన అవసరం లేదు. కల్కి 2898 ఏడీ సినిమా ఇతర సౌత్ భాషల్లో సైతం అంచనాలను మించి హిట్ గా నిలిచిందనే సంగతి తెలిసిందే. పురాణాలకు మైథాలజీని లింక్ చేసి అద్భుతమైన కథాంశంతో సినిమాను తెరకెక్కించడం నాగ్ అశ్విన్ కే సాధ్యమైందని కామెంట్లు వ్యక్తమవుతున్నాయి.
